Yared Dibaba

Vun Wikipedia

Yared Terfa Dibaba (* 1969 in Aira, Äthiopien) is en düütschen Moderator.

Dibaba is in Äthiopien op de Welt kamen, aver tagen in’t Ollnborger Land. Sien Vader dee an dat Lutherstift in Falkenborg arbeiden un in Falkenborg deen se ok wahnen. Dibaba güng na de Grundschool in Gannerkesee. In’t Ollnborger Land hett he denn ok Plattdüütsch lehrt. He möök 1990 sien Abitur an dat Max-Planck-Gymnasium in Demost. Na ene Lehr as Koopmann in’n Groot- un Butenhannel bi ene Kaffeefirma güng he op de Schauspeelschool.

He weer in de Familienserie Die Ohnsorgs bi’n NDR to sehn un maakt mit Julia Westlake de Sendung Op Platt. Nadem Eva Herman mit ehr Verschääl över Familienpolitik aneckt is un bi’n NDR rutflagen is, hett Dibaba ehren Platz bi de Talkshow Herman und Tietjen övernahmen, de nu Die Tietjen und Dibaba heten deit.

Dibaba is verheiraadt un hett twee Kinner. He leevt mit siene Familie in Altno.

[ännern] Weblenken

• Websteed vun Yared Dibaba (hoochdüütsch)