Wrangeleiland

Vun Wikipedia
Wesseln na: Navigatschoon, Söök
Laag vun’t Wrangeleiland

Wrangeleiland is een Eiland in den Arktischen Ozean un höört to Russland to. Dat Eiland liggt in Asien up 71° 13′ N un 179° 24′ W.

De Insel is 150 km lang vun West noh Oost un 80 km breet vun Noord noh Süüd un hett so üm un bi 7.608 km². Dor höört ook noch een poor lüttjere Eilannen mit to. Wrangeleiland liggt 500-600 km in’n Noorden vun’n Polarkreis. De Noordpol is üm un bi 2080 km wiet weg. De meiste Tiet vun’t Johr liggt Snee up de Insel. De Grenz vun dat Packies verlöppt in düsse Gegend so wat bi 100 - 200 km in’n Noorden. Ook in’n Summer kannst du bloß slecht noh dat Eilann henkomen, weil dor allerhand Ies umto swimmt.

In dat Johr 1823 hett Ferdinand Petrowitsch Baron von Wrangel sik dacht, datt dor een Insel ween mutt. As he dortiets Korten tekent hett vun de Küst vun de Tschuktschen-Halfinsel hett he sehn, datt de Vogels wieter rut up de See flögen. De Tschuktschen, de dor an de Küst wohnen döen, hefft em seggt, dat dat woll wohr is. Man eerst 1849 hett een düt Eiland sehn un denn hett dat noch een poor Johre duurt, ehr een sie Foot dor up sett hett.

In dat Johr 2004 hett de UNESCO faststellt, düsse Insel scholl Weltnaturarv ween. Dorvun is dat komen, datt dat hüdigendags dat Naturreservat Wrangeleiland gifft.