Wolfgang Bosbach

Vun Wikipedia
Wesseln na: Navigatschoon, Söök
Wolfgang Bosbach (2014)

Wolfgang Walter Wilhelm Bosbach[1] [ˈbɔsbax] (* 11. Juni 1952 in Bergisch Gladbach) is en düütsch Politiker (CDU).

Bosbach weer van 2000 bit 2009 Stellvertreden Vörsitter vun de CDU/CSU-Bundsdagsfraktschoon un is siet 2009 Vörsitter vun den Binnenutschuss vun den Düütschen Bundsdag.

Leven[ännern | Bornkood ännern]

Utbillen[ännern | Bornkood ännern]

Nah de Middlere Riep 1968 hett Wolfgang Bosbach en Utbillen to’n Eenzelhannelskoopmann bi de Konsumgenossenschaft Köln eG/COOP West AG maakt un weer van 1972 bit 1974 Leider vun en Supermarkt. Ansluutend hett he de Rheinische Akademie Köln besöcht un 1977 dor den Afsluss as staatlich prüüft Bedrievsweert maakt. Up den Tweeten Bildungsweg hett he dornah sien Abitur 1980 nahhaalt. Dornah sloot sück en Studium vun de Rechtswetenschapen an de Universität Köln an, dat Bosbach 1988 mit dat eerste un 1991 mit dat tweete juristisch Staatsexamen afslooten hett.[2] Sietdem is he as Afkaat tolaaten un neben sien Afordnetenmandat ok in dissen Berop tätig.

Partei[ännern | Bornkood ännern]

Bosbach is siet 1972 Liddmaat vun de CDU. Van April 2003 bit 2005 weer Bosbach stellvertreden Landsvörsitter vun de CDU in Nordrhien-Westfalen.

Afordneter[ännern | Bornkood ännern]

Van 1975 bit 1979 weer Bosbach Liddmaat vun den Kreisdag vun den Rheinisch-Bergischen Kreis un van 1979 bit 1999 Raatsliddmaat vun Bergisch Gladbach.

Wolfgang Bosbach is siet 1994 immer direkt wählt Afordneter för den Düütschen Bundsdag. Van Februar 2000 bit November 2009 weer he Stellvertreden Vörsitter vun de CDU/CSU-Bundsdagsfraktschoon un dormit binnerhalv vun de Fraltschoo tostännig för de Berieken Recht, Petitschoon, Binneres, Sport, Verdreevene un Flüchtlings, Kunst, Kultur un Medien. Siet November 2009 is he Vörsitter vun den Binnenutschuss.

Sonstiges Engagement[ännern | Bornkood ännern]

Vörstandsliddmaat vun de Vereenigung Gegen Vergessen – Für Demokratie.

Verwaltensraadliddmaat vun den Kölner Eishockey-Club "Die Haie" e.V.[3]

Liddmaat in' ZDF-Feernsehraat siet 9. März 2010 as Vertreder vun de CDU un Liddmaat in' Programmutschuss Programmdirektschoon [4]

Privates[ännern | Bornkood ännern]

Wolfgang Bosbach is röömsch-kathoolsch, siet 1987 verheiraadt un hett dree Döchter. An' 3. Juni 2010 hett he in de ZDF-Sennen Markus Lanz sien Prostatakrebserkrankung bekanntgeven. In en stern-Interview in' Harvst 2011 hett he mitdeelt, dat he weer Krebs hett.[5] In' August 2012 hett Bosbach mitdeelt, dat de Erkrankung wegen fortschreeden Metastasen nich mehr to heelen is. He hett aber intüschen ankünndigt, dat he versöken will sück bi de Bundsdagswahl 2013 (wohrschienlich September 2013) dennoch nochmals för den Bundsdag as Kandidat upstellen to laaten.[6] [7]

Literatur[ännern | Bornkood ännern]

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Eckart Lohse, Markus Wehner: Wenn nicht jetzt, wann dann?. In: Frankfurter Allgemeine Zeitung, 8. Oktober 2011. Afropen an’ 5. Dezember 2012
  2. http://www.bundestag.de/bundestag/abgeordnete17/biografien/B/bosbach_wolfgang.html, Togreep an’ 4. Dezember 2012
  3. Kölner Eishockey-Club „Die Haie“ e.V. afropen an' 23. Januar 2012
  4. [1] Mitglieder des Fernsehrats des ZDF] afropen an' 25. Oktober 2012
  5. spiegel.de 5. Oktober 2011: [2]
  6. Wolfgang Bosbach spricht über sein Krebsleiden up abendblatt.de 27. August 2012
  7. general-anzeiger-bonn.de: Wolfgang Bosbach: „Viel Zeit bleibt nicht mehr“