Wolfgang Börnsen

Vun Wikipedia
Wesseln na: Navigatschoon, Söök

Wolfgang Börnsen (* 26. April 1942 in Flensborg) is en düütschen Politiker vun de CDU.

Leven[ännern | Bornkood ännern]

Na de Realschool hett Börnsen Mürger lehrt un de Högere Hannelsschool in Flensborg besöcht. He hett denn an de Pädagoogsche Hoochschool Kiel op Lehramt an de Realschool studeert. He hett denn ok en Stoot as Lehrer för Geschicht un Religion arbeidt.

Wolfgang Börnsen is verheiradt, leevt in Bönstrup un hett veer Kinners.

Politik[ännern | Bornkood ännern]

Börnsen güng 1967 in de CDU un 1977 ok in de Christlich-Demokraatsche Arbeitnehmerschop.

He is siet 1987 Liddmaat in’n düütschen Bundsdag. Bet 1998 över de Landslist Sleswig-Holsteen un vun dor af an as Afornter ut’n Wahlkreis Flensborg-Sleswig. He is Vörsitter vun de Landsgrupp Sleswig-Holsteen un vun den Arbeidskrink Küst bi de CDU/CSU-Frakschoon. Siet November 2005 is he ok Baas bi den Frakschoonsarbeidskrink Kultur un Medien un kulturpolietsch Spreker bi de CDU/CSU-Frakschoon.

Börnsen snackt ok Plattdüütsch. He is Baas bi de Noordangler Speeldeel un hett dat Book Plattdeutsch im Deutschen Bundestag schreven. Dat Book hannelt vun Börnsen sien Initiative, dat Plattdüütsche in de Europääsche Charta vun de Regional- un Minnerheitenspraken optonehmen. Börnsen hett dit Projekt vörandreven un ahn em un sien Insatz harrn se Plattdüütsch nich in de Charta opnahmen.

Warken[ännern | Bornkood ännern]

  • Vorbild mit kleinen Fehlern - Abgeordnete zwischen Anspruch und Wirklichkeit. Siegler, Sankt Augustin, 2001, ISBN 3-87748-613-4
  • Plattdeutsch im Deutschen Bundestag. Siegler, Sankt Augustin, 2001, ISBN 3-87748-614-2
  • Fels oder Brandung? Gerhard Stoltenberg - der verkannte Visionär. Siegler, Sankt Augustin 2004, ISBN 978-3877486443

Weblenken[ännern | Bornkood ännern]