Wladimir Burmakin

Vun Wikipedia
Wesseln na: Navigatschoon, Söök
Wladimir Burmakin (2010)

Wladimir Burmakin (russisch: Владимир Бурмакин, bi de Weltschachbund FIDE Vladimir Burmakin; * 6. Juni 1967) is en russisch Schachspeler. 1993 kreeg he den Titel Internationaler Meester, siet 1994 is he Grootmeester.

Sien best Ergebnis bi russisch Eenzelmeesterschapen weer de deelt Darte Platz 1994 in Elista, dat Moskau Open wunn he in dat sülvig Johr gemeensam mit Jewgeni Najer. 1995 wunn he dat Tschigorin Memorial in Sankt Petersburg, 1997 dat 4. Karl-Wagner-Gedenkturnier in Graz. 2000 wunn he dat 11. Casino Open in Seefeld in Tirol, 2001 nochmal dat Grazer Karl-Wagner-Gedenkturnier. 2003 wunn he dat Turnier to’n 300. Johresdag vun de Gründung vun de Stadt Sankt-Petersburg, dat Staufer-Open in Schwäbisch Gmünd und at Open in Capelle-la-Grande. Dat 20. Internationale Open in Bad Wörishofen wunn he 2004 gemeensam mit Aloyzas Kveinys. 2006 wunn he dat 5. Ciudad-Turnier in Dos Hermanas und at 27. Open in Béthune. 2007 wunn he to’t tweeten mal dat Staufer-Open. 2008 wunn he dat BDO Permier-Turnier in Haarlem un 2009 da 11. Internationale Schach-Open in Salou.

Vereensschach speel he in de 1990er-Johren in Russland. To’n eersten Mal för en nichtrussischen Vereen speel he 2009 in de spaansch Mannschapsmeesterscha, un zwar för Binissalem. De aktuelle Elo-Tall vun de in Iwanowo wahnend Schachprofi bedrocht 2602 (Stand: November 2009), sien bither hööchst weer 2627 in Juli 2009.

Weblenken[ännern | Bornkood ännern]