Wjatscheslaw Dmitrijewitsch Sudow

Vun Wikipedia
Wesseln na: Navigatschoon, Söök

Wjatscheslaw Dmitrijewitsch Sudow (russ.:Вячеслав Дмитриевич Зудов, wetenschaplich Transliteration: Vjačeslav Dmitrievič Zudov}}; * 8. Januar 1942 in Bor, Oblast Gorki, Russische SFSR) is en Pilot un ehmalger sowjeetsch Kosmonaut.

Wjatscheslaw Sudow up en sowjeetsch Breefmark (links), mit Waleri Roschdestwenski

Nahdem Wjatscheslaw Sudow 1963 de Höhgere Militärflegerpilotenschool in Balaschow afslooten harr, wurr he dör dat Juri-Gagarin-Kosmonautentrainingszentrum an’ 23. Oktober 1965 as Kosmonaut utwählt. De Pilot un Fallschirmspringer hett dornah de Grundutbillen för Kosmonauten OKP van November 1965 bit Dezember 1967 afsolveert.

Sudow is as Kommandant vun dat Ruumschipp Sojus 23 an’ 14. Oktober 1976 in den Weltruum flagen. He un sien Bordingenieur Waleri Roschdestwenski sullen eenig an de Ruumstatschoon Saljut 5 andocken. Dat Andocksystem funktschoneer aber nich un so mussen se glieks weer torüchfleegen, wiel se dat Andocken vun Hand nich öövt harrn. Bi de Rückkehr sünd de beid Kosmonauten binah verunglückt. De beid sünd an’ 16. Oktober 1976 bi Nacht un en Schneestörm up den dicht froren Tengiz-See rünnergahn. Dat Ies is denn braken un se hungen half in’t Water mit hör Kapsel. De Kapsel wurr denn vun buten ut stabliseert un eerst an’ nächsten Dag mit en Hubschrauber burgen.

Sudow weer denn noch för en wiederen Floog vörsehn, mit de dat Manöver vun Sojus 4 und Sojus 5 wedderhaalt wurrn sull. Disse Mission hett man denn aber doch afseggt.

1979 weer Wjatscheslaw Sudow Absolvent vun de Militärakademie vun de Luftstrietkraften „J. A. Gagarin“. Nahdem he an’ 14. Mai 1987 ut dat Kosmonautencorps utscheeden is, weer Sudow toeerst in de kommerziellen Forschung tätig, later in de Tollverwalten, wo he bit to sien Ruhestand bleev. Intüschen hett de Fallschirmspringer un Pilot den militärischen Rang vun en Oberst der Reserve din de russch Luftstrietkraften.

För sien Leistungen kreeg Sudow 1976 den Titel Held der Sowjetunion. He is verheiraadt un hett twee Kinner.

Literatur[ännern | Bornkood ännern]

  • Peter Stache: Raumfahrer von A bis Z, Militärverlag der Deutschen Demokratischen Republik, Berlin (Ost), 1988, ISBN = 3-327-00527-3

Weblenken[ännern | Bornkood ännern]