William Standish Knowles

Vun Wikipedia
George W. Bush drapt söben Nobelpriesdräger van 2001. William Standish Knowles ist de veerte vun links.

William Standish Knowles (* 1. Juni 1917 in Taunton, Massachusetts; † 13. Juni 2012 in Chesterfield, Missouri[1]) weer en US-amerikaansch Chemiker.[2]

Leven[ännern | Bornkood ännern]

Knowles is in New Bedford upwussen. He hett en Internat in Berkshire in den westlichen Part vun Massachusetts un in Andover besöcht, wo he ok sien eerste Kuntakte to de Chemie kreeg.

He studeer eerst an de Harvard University un dornah an de Columbia University bi Bob Elderfield över Steroide. Nahdem Knowles 1942 an de Columbia University sien Doktertitel makt harr, hett he bit 1986 för de Monsanto Company arbeit.

1944 hett he in St. Louis över Tüschenprodukte un later över DDT un Chloramphenicol arbeit. Monsanto hett in disse Tiet Robert Burns Woodward anhüürt, um de Kommerzialiseeren vun Cortison vörantodrieven. Knowles wurr Woodward toordnet, wiel he en Achtergrund in de Steroid-Chemie harr. Knowles hett negen Maand in Cambridge bi Woodward tobrocht. Dornah hett he sien Karriere bi Monsanto in den Beriek vun Forschung un Entwicklung fortsett, wo he all Midden vun de 1960er Johren up dat Rebeet vun de asymmetrischen Synthese bit to sien Pensioneeren 1986 arbeiten dee.

Knowles weer verheiraadt un harr veer Kinner.

Ehrungen[ännern | Bornkood ännern]

Knowles kreeg verscheeden Ehrungen un Pries för sien Arbeiten. So wurr he 1974 mit den IR 100 Awards for Asymmetric Hydrogenation uttekent un 1978 mit den Pries St. Louis American Chemical Society Section Award. 1981 kreeg he vun Monsanto den Thomas and Hochwalt Award, een Johr later den Pries för Creative Inventions vun de American Chemical Society. Vun de Organic Reactions Catalysis Society kreeg he 1996 den Paul N. Rylander Award.

2001 kreeg he denn den Nobelpries för Chemie (för sien Arbeiten över chiral katalyseeren Hydrierungsreaktschonen, tosommen mit den Japaner Ryōji Noyori un sien Landsmann Karl Barry Sharpless).

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. William Knowles, Nobel Winner in Chemistry, Dies at 95
  2. http://books.google.de/books?id=8DjwaFWE4fYC&pg=PA111&dq=william+knowles&as_brr=3#v=onepage&q=william%20knowles&f=false, A century of Nobel Prizes recipients: chemistry, physics, and medicine, vun Francis Leroy, books.google.de, van 29. November 2011