Wii

Vun Wikipedia
Wii-Konsool in witt

De Wii [[wiː]] is en Videospeel-Speelkonsool, de mit en Feernseher tosamenschalt' warrt. Rutbrocht hett se de Firma Nintendo ut Japan Enn 2006. Sunnerlich Kennteken is en neen Controller, de liek utsutt, as normole Feernbedienungen. Man dor sund Sensoren inboot, de registreert de Positschoon vun den Controller un wo he sik in'n Ruum bewegen deit. Düsse Bewegen sett he denn in passliche Bewegen vun Speelfiguren un Speelelemente up'n Bildschirm um.[1] Vördem weer dat bi Speelconsolen so, dat de Brukers Knööp an den Controller oder Analogsticks bedenen mössen. Bi de Wii geiht dat so, datt de Controller sülms beweegt warrt. Dat Speelsystem ut Hardware un Software kann denn utmeten, wo sik de Bruker in den Ruum rögen deit. Bit Enn 2007 is de Wii 25 Millionen mol verköfft wurrn. Dat weer düütlich mehr, as bi den Konkurrenten, de Xbox 360, de een Johr ehrder rutkamen weer, un mehr as dubbelt so veel, as vun de PlayStation 3, de to desülvige Tied rutkamen is.[2]

Belege[ännern | Bornkood ännern]

  1. Hartmut Gieselmann: Wii funktioniert Nintendos Hardware?, Heise online, 11. Mai 2006. [Tolest togrepen: 13. Mai 2006]
  2. vgcharts.com: Verkoop-Tahlen vun Speelkonsolen, hoochrekent (engelsch, afropen an'n 27. Mai 2009)