Westen Half von dat Lange Moor

De Westen Half von dat Lange Moor is en 11 Hektar groot Naturschuulrebeed, dat op dat Rebeed von Sankt Jürgen in de Gemeen Leendaal (Landkreis Oosterholt, Neddersassen) liggt. De Öörd ümto sünd Worpheim, Lüninghusen, Frankenborg un Överenn.

Dat Naturschuulrebeed driggt dat Kennteken NSG LÜ 92 un is an’n 18. Januar 1984 ünner Schuul stellt worrn.

Dat Rebeed is en Rest von dat Lange Moor wat fröher en groot Moorrebeed twüschen Weyerbarg un Leendaal weer, nu aver to’n groten Deel koloniseert un aftörft worrn is. Aver ok üm un bi en Viddel von dat Schuulrebeed is aftörft worrn. Dorüm wesselt sik Stücken af, de deelwies oder gornich aftörft sünd un billt en utpräägt Relief.

In dat Moor finnt sik Stücken, op de dat Hoogmoor höger wassen deit, blangen Stücken, op de sik verscheden Stadien wiest, in de dat Moor degenereert un dör Sukzession dör annere Planten aflööst worrn is.

Naturschuulrebeden in’n Landkreis Oosterholt

Borndaals von de Wienbeek | Böver Ihldaal | Breed Water | Hamm-Ooldarm | Heerweger Moor un Born von de Hu’er Beek | Heid un Moor bi Haslah | Heidhoffer Dieken | Heilsmoor | Moor bi Neddersandhusen | Pennigbütteler Moor | Rechten Blangenarm von de Werser | Springmoor | Törfkanaal un Randmooren | Truper Blänken | Ünnere Wümm | Westen Half von dat Lange Moor | Wischen un Weiden noordoosten dat Brede Water