Wensbrook

Vun Wikipedia
Wapen/Flagg Koort
Wapen unbekannt
Wensbrook
Laag vun Wensbrook in Düütschland
Basisdaten
Bundsland: Neddersassen
Landkreis: Rodenborg
Samtgemeen: Bootel
Gemeen: Brookel
Inwahners:
Postleettall: 27386
Vörwahl: 04266
Geograafsche Laag:
Koordinaten:53° 6′ N, 9° 30′ O
53° 6′ N, 9° 30′ O

Karte

Wensbrook (hoochdüütsch Wensebrock) is en Dörp in de Gemeen Brookel (Samtgemeen Bootel) in’n Landkreis Rodenborg, Neddersassen. Dat Dörp hett ruchweg 200 Inwahners.

Geografie[ännern | Bornkood ännern]

De Oortsdeel Wensbrook liggt üm un bi 9 km na’n Oosten vun Rodenborg un ruchweg annerthalf Kilometer westlich vun Brookel. Dat Water ut dat Rebeed flütt över Gravens na de Wiedau hen af.

De Naveröörd sünd Westervees un Deepen in’n Noordoosten, Brookel in’n Süüdoosten, Bootel in’n Süden, Heemsbünnen in’n Süüdwesten un Rodenborg, Wohlsdörp un Badlsdörp in’n Noordwesten. De fröheren Schapereen bi Brookel legen in’n Noordoosten.

Historie[ännern | Bornkood ännern]

Eerste Henwiesen op Wensbrook stammt ut dat 16. Johrhunnert. De achtere Naamsdeel -brook düüdt dorop hen, dat de Landschap teemlich moorig wesen hebben künn.

In’n Eersten Weltkrieg sünd 5 Soldaten ut Wensbrook fullen oder vermisst un in’n Tweten Weltkrieg 29.[1]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Scheeßl in’n Kanton Rodenborg höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Rodenborg in’n Kanton Rodenborg.

De Oort hett vör 1885 to de Huusvaagdie Rodenborg in dat Amt Rodenborg tohöört. Na 1885 weer dat in’n Kreis Rodenborg. 1977 is dat Deel von’n vergrötterten Landkreis Rodenborg worrn.

De Oort hett fröher en egen Buurschop un later en Gemeen billt. So is dat bit to de Gemeenreform in de 1920er Johren bleven, bi de de Oort denn na Brookel ingemeent worrn is. De Gemeen Brookel is an’n 1. März 1974 mit de Gemeenreform in Neddersassen noch wedder grötter worrn.

Inwahnertall[ännern | Bornkood ännern]

Johr Inwahners
1791-00-001791[2] 8 Füürsteden
1812-00-001812[3] 74
1824-00-001824[4] 14 Füürsteden
1848-00-001848[5] 120 Lüüd, 21 Hüüs
1871-12-011. Dezember 1871[6] 119 Lüüd, 22 Hüüs
1885-12-011. Dezember 1885[7] 97 Lüüd, 20 Hüüs
1905-12-011. Dezember 1905[8] 112 Lüüd, 18 Hüüs
1910-12-011. Dezember 1910[9] 117

Religion[ännern | Bornkood ännern]

Wensbrook is evangeelsch-luthersch präägt un höört to dat Kaspel von de Hillig-Krüüz-Kark in Brookel.

För de Kathoolschen is de Corpus-Christi-Kark in Rodenborg tostännig.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Brookel bi de Kark.

Verenen[ännern | Bornkood ännern]

Dat Dörp hett en Schüttenvereen, de 1910 grünnt worrn is, un af un to warrt dor ok Laientheater anbaden.

Weertschop un Infrastruktur[ännern | Bornkood ännern]

För Wensbrook is de freewillige Füürwehr Brookel mit tostännig.

Verkehr[ännern | Bornkood ännern]

Dör Wensbrook löppt de Bundsstraat 71, de in’n Noordwesten na Rodenborg un na Bremervöör geiht un in’n Süüdoosten na Neenkerken un Soltau. In’n Noorden geiht de Kreisstraat 224 na Badlsdörp un münnt denn in Veersbrügg bi Scheeßl in de B 75.

De nächste Autobahn is de Autobahn 1 (Afsnidd HamborgBremen). De Opfohrt 48 Elsdörp liggt so 23 Kilometer in’n Noordwesten von Wensbrook an de L 131.

De nächste Bahnhoff is so bi negen Kilometer wied weg in’n Noordwesten de Bahnhoff Rodenborg an de Bahnlien Hamborg–Bremen. Von 1906 bet 1958 hett dat ok Personenverkehr op de Bahnlien Bremervöör–Wasra geven. In düsse Tied leeg de Bahnhoff Heemsbünnen twee Kilometer in’n Süüdwesten.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 245
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 98
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 650
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 152
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 181
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 152
  9. Inwahnertallen op gemeindeverzeichnis.de

Weblenken[ännern | Bornkood ännern]