Wekendag

Vun Wikipedia
Wesseln na: Navigatschoon, Söök

As Wekendag meent wi de Daag vun de Week.

Dat sünd söben:

  1. Maandag
  2. Dingsdag
  3. Middeweken
  4. Dunnersdag
  5. Freedag
  6. Sünnavend, Sünnobend, ook Saterdag
  7. Sünndag

Wo de Naamen herkommt[ännern | Bornkood ännern]

De Wekendaag sünd Lehnöversetten von de toeerst babylonschen Naamen. De söben Daag in de babylonschen Week weern na de Wannelsteerns (Planeten) nöömt, de een ahn Kiekrühr sehn kann (Sünn, Maand, Mars, Merkur, Jupiter, Venus, Saturn). To de Tiet weern de ok as Gödder ansehn.

De Naamen un de Gloov sünd dör Vermiddeln von de Juden na de Greeken un Röömers bröcht un von jüm övernahmen worrn. As de Germanen in dat 4. Johrhunnert disse Naamen höört hebbt, nöömen se jüm eenfach na de entsprekend germanschen Gödder üm. In den Tog von de Christianiseeren is later denn versöcht worrn, de heidnisch Naamen wedder trüchtodrammen. Dat hett aver blots bi den Middeweken un den Sünnavend funktschooneert.