Warstood
| Wapen/Flagg | Koort | |
|---|---|---|
 |
|
|
| Basisdaten | ||
| Flach: | 7,77 km² | |
| Inwahners: | ||
| Postleettall: | 21745 | |
| Vörwahl: | 04771 | |
| Geograafsche Laag: | Koordinaten:53° 42′ N, 9° 9′ O53° 42′ N, 9° 9′ O |
|
Warstood (hoochdüütsch Warstade) is en Oort in de Gemeen Hemmoor in’n Landkreis Cuxhoben, Neddersassen. De Oort liggt an dat linke Över von de Oost.
Warstood is vondaag mit Basbeek tohoopwussen. Von Butenlüüd warrt Basbeek un Warstood faken all beid to Hemmoor tellt. De Oort hett sik aver liekers en egen Identität wohrt, de von de Lüüd dor as wichtig ansehn un pleegt warrt.
Inholtsverteken |
[ännern] Geografie
De Naverdörper sünd Hemm in’n Noorden, Oosten in’n Noordoosten (op de anner Sied von de Oost), Basbeek in’n Süüdoosten, Wohlenbeek un Heeßel in’n Süüdwesten un Hemmoor un Westersood mit Karkfellen un Herrlichkeit in’n Noordwesten.
[ännern] Historie
In de Oorkunnen kummt Warstood toeerst in’t 13. Johrhunnert vör.
Von 1862 bet 1976 hett de Hemmoor Zement AG in Warstood Kried afboot. Dor is de Kriedsee von nableven, de vondaag vör allen bi Dukers temlich populär is.
In’n Eersten Weltkrieg sünd 77 Soldaten ut Warstood fullen oder vermisst un in’n Tweten Weltkrieg 93[1].
Warstood is 1968 mit de Gemeen Hemmoor tohoopleggt worrn.
[ännern] Inwahnertall
| Johr | Inwahners |
|---|---|
| 1824[2] | 72 Füürsteden |
| 1848[3] | 520 Lüüd. 87 Hüüs |
| 1858[4] | 571 |
| 1. Dezember 1910[5] | 1.967 |
| 1925[6] | 1.591 |
| 1933[6] | 1.588 |
| 1939[6] | 1.582 |
[ännern] Religion
Warstood is evangeelsch präägt un billt mit de Christuskark Warstood en egen Kaspel mit 3800 Maten. To dat Kaspel höört blangen Warstood sülvs ok Hemmoor, Hemm un Westersood to. De Kark is 1898 boot worrn, de Örgel stammt von Furtwängler & Hammer.
Nadem mit dat Zementwark ok veel kathoolsche Lüüd in de Ümgegend kamen sünd, is 1900 de kathoolsche St.-Ansgar-Kark in Warstood boot worrn.
[ännern] Börgermeesters
- 1948-1968: Helmut Grube
[ännern] Wapen
Dat Wapen von Warstood wiest op roden Grund en gollen Wagg un en Slötel. De Eck baven links is von en sülvern Wellenlien aftrennt, de för de Oost steiht.
[ännern] Kultur
In Warstood steiht ok en Denkmaal för de Fullenen ut de twee Weltkrieg’.
[ännern] Verenen
De Freewillige Füürwehr is an’n 14. Dezember 1923 grünnt worrn un de Schützenvereen 1887.
[ännern] Infrastruktur
[ännern] Verkehr
Warstood liggt an de Bundsstraat 73, de in’n Noordwesten na Hemmoor un Cumbarg geiht un in’n Süüdoosten na Basbeek un Heckthusen. In’n Süden krüüzt de Bundsstraat 495 de B 73. De B 495 geiht in’n Noordoosten na Oosten un Wischhoben un in’n Süüdwesten na Loomst.
En Bahnhoff an de Nedderelvbahn is in Basbeek.
[ännern] Scholen
Dat Gymnasium Warstood is 1946 grünnt worrn, as Aflegger von dat Athenaeum Stood.
[ännern] Lüüd
De Schriever Peter Rühmkorf is in Warstood opwussen. De Wehrmacht-Offzeer Servais Cabolet is 1908 in Warstood boren. De plattdüütsche Schrieversche Anna Ahrens hett twölv Johr lang in Warstood as Gemeenswester arbeidt.
[ännern] Footnoten
- ↑ http://www.denkmalprojekt.org/dkm_deutschland/hemmoor-warstade.htm
- ↑ C. H. Jansen: Statistisches Handbuch des Königreichs Hannover. 1824, Sied 638: http://books.google.de/books?id=tG0AAAAAcAAJ&pg=PA638
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133
- ↑ Franz Heinrich Ungewitter: Neueste Erdbeschreibung und Staatenkunde. 1858, Sied 420: http://books.google.de/books?id=ZkoNAQAAIAAJ&pg=PA420
- ↑ http://www.gemeindeverzeichnis.de/gem1900/gem1900.htm?hannover/neuhaus.htm
- ↑ 6,0 6,1 6,2 http://www.verwaltungsgeschichte.de/hadeln.html
