Wapen vun Dschibuti

Vun Wikipedia
Wesseln na: Navigatschoon, Söök
Dat Wapen vun Dschibuti

Dat Wapen vun Dschibuti is mit Anfang vun de Unafhangigkeit an’n 25. Juni 1977 in Dschibuti inföhrt worrn.

Utsehn[ännern | Bornkood ännern]

Dat Bild vun’t Wapen warrt na de Siet vun twee Lorbeertwiegen infaat, de as’n Krink, de in piele Richt ’n beten langtogen is, anordent sünd un sik ünnen un baven draapt.

Binnen dissen Lorbeerkraanz is in de Mitt en oprechten Speer to sehn, de mit de Spitz na baven wiest. Vörn warrt de dör’n runnen Schild verdeckt. Twüschen de Spitz vun’n Speer un den böveren Punkt, woneem sik de Lorbeertwiegen draapt, steiht en roden Steern mit fief Tacken.

Ünner den Schild kiekt links un rechts op jede Siet en Hand rut, de beid en groot Messer hoolt.

Bedüden[ännern | Bornkood ännern]

De Schild un de Speer sünd de traditschonellen Wapen to’n Verdeffenderen vun de Heimat, woför de beiden Volksstämm Afar un Issa instaht. Dat warrt ok dör de beiden Hannen mit de Messers betekent.

De Steern is’n Teken för de Unafhangigkeit un de Eenheit vun’t Land. De Steern is ut de Flagg övernahmen un stieht för den Staat.

De beiden Lorbeertwiegen staht för de Eenheit un den Sieg.

Literatur[ännern | Bornkood ännern]

  • Karl-Heinz Hesmer: Flaggen und Wappen der Welt. Geschichte und Symbolik der Flaggen und Wappen aller Staaten. Gütersloh: Bertelsmann Lexikon Verlag, 1992. ISBN 3-570-01082-1