Wangersen

Vun Wikipedia

Dit Woort hett noch annere Bedüden: kiek dorför ünner Georg von Wangersen.

Wapen/Flagg Koort
Wapen unbekannt
Wangersen
Laag vun Wangersen in Düütschland
Basisdaten
Bundsland: Neddersassen
Landkreis: Stood
Samtgemeen: Harsfeld
Gemeen: Ohlers
Inwahners:
Hööchd: 37 m över NN
Postleettall: 21702
Vörwahl: 04166
Geograafsche Laag:
Koordinaten:53° 22′ N, 9° 26′ O
53° 22′ N, 9° 26′ O

Karte

Wangersen is en Dörp in de Gemeen Ohlers in’n Landkreis Stood, Neddersassen. To den Oort höört ok de lüttjeren Öörd Lütt Wangersen un Hogenhusen.

Geografie[ännern | Bornkood ännern]

Wangersen liggt op de Stoder Geest. De Born von’n Knüllbeek liggt dicht bi dat Dörp.

De Naveröörd sünd Ottendörp in’n Noorden, Bokel un Ohrenswohl in’n Noordoosten, Lütt Ippens in’n Süüdoosten, Sellhorn in’n Süden, Steddörp in’n Süüdwesten un Wens un Viehbrook in’n Westen.

Historie[ännern | Bornkood ännern]

De öllste Nawies, dat Minschen in de Gegend von Wangersen leevt hebbt, sünd ole Hünenbedden in de Feldmark. Von fröher 32 is aver bloot noch een nableven.

Dat eerste Maal in de Oorkunnen kummt Wangersen as Wagersen an’n 11. November 1105 vör. Disse Oorkunn hannelt von dat Utstafferen för dat ne’e Klooster Katelnborg dör Adela von Katelnborg.

Vör 1885 weer dat Dörp in de Böörd Ohlers binnen dat Amt Harsfeld. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.

In’n Eersten Weltkrieg sünd 18 Soldaten ut Wangersen fullen oder vermisst un in’n Tweten 33[1].

Von’n 1. Januar 1971 bet to’n 1. Juli 1972 weer de Oort Liddmaat von de Samtgemeen Ohlers. Mit de Gemeenreform in Neddersassen an’n 1. Juli 1972 is de fröher sülvstännige Gemeen Wangersen mit de Gemeen Ohlers tohoopleggt worrn.

Inwahnertall[ännern | Bornkood ännern]

Johr Inwahners
1824-00-001824[2] 13 Füürsteden
1848-00-001848[3] 194 Lüüd, 31 Hüüs
1910-12-011. Dezember 1910[4] 327
1925-00-001925[5] 423
1933-00-001933[5] 425
1939-00-001939[5] 428

Religion[ännern | Bornkood ännern]

Wangersen is evangeelsch-luthersch präägt un höört to dat Kaspel Ohlers.

För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.

Kark in Wangersen

Wangersen hett aver ok en egen Karkengebüüd von de Neeapostoolsche Kark.

De Oort hett en egen Karkhoff, de an de Karkhoffstraat liggt.

Weertschop un Infrastruktur[ännern | Bornkood ännern]

Füürwehrhuus in Wangersen

Wangersen hett en egene freewillige Füürwehr, de 1935 grünnt worrn is.

Verkehr[ännern | Bornkood ännern]

Wangersen liggt an de Landsstraat 124, de in’n Süüdwesten na Steddörp, Heeßel un Zeven föhrt. In’n Noordoosten löppt de L 124 na Ohlers un Harsfeld. Na Oosten geiht von de L 124 de L 127 af, de na Ohrenswohl un Obbens löppt. Lüttjere Straten gaht ans na Sellhorn un Ottendörp.

Kultur[ännern | Bornkood ännern]

Heimaathuus in Wangersen

En Denkmaal för de Fullenen ut de twee Weltkrieg’ steiht op’n Karkhoff.

Dat Heimaathuus Wangersen, en utboot oold Neddersassenhuus, is an’n 13. Juni 1992 inweiht worrn.

Literatur[ännern | Bornkood ännern]

  • Ewald Albers: Wangersen: früher und heute, 1105-2005. Heimatvereen Wangersen, 2005

Footnoten[ännern | Bornkood ännern]

  1. http://www.denkmalprojekt.org/dkm_deutschland/wangersen_wk1u2_ns.htm
  2. C. H. Jansen: Statistisches Handbuch des Königreichs Hannover. 1824, Sied 636: http://books.google.de/books?id=tG0AAAAAcAAJ&pg=PA636
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
  4. http://www.gemeindeverzeichnis.de/gem1900/gem1900.htm?hannover/stade.htm
  5. a b c http://www.verwaltungsgeschichte.de/stade.html

Weblenken[ännern | Bornkood ännern]

Wangersen. Mehr Biller, Videos oder Audiodateien to’t Thema gifft dat bi Wikimedia Commons.