Walk Off the Earth

Vun Wikipedia
Wesseln na: Navigatschoon, Söök

Walk Off the Earth (ok afkört as WOTE) is en Indie-Rock-Grupp ut Burlington, Ontario in Kanada. Grünnt hett sik de Grupp in’t Johr 2006. Se is Anfang 2012 weltwiet bekannt worrn mit en Coverversion vun dat Leed Somebody That I Used To Know, dat in’t Original vun den belgisch-austraalschen Musiker Gotye is. Anfang Januar harrn Walk off the Earth en viral Video vun de Version op Youtube instellt, dat in blots twee Weken ruchweg 35 Millionen mol opropen worrn is.

Liddmaten[ännern | Bornkood ännern]

Walk Off the Earth besteiht ut fief Lüüd:

  • Gianni „Luminati“ Nicassio: E-Bass un Singer
  • Ryan Marshall: E-Gitarr un Singer
  • Sarah Blackwood: Singer
  • Joel Cassady: Slagtüüch
  • Mike Taylor: Keyboard un Singer

Historie vun de Grupp[ännern | Bornkood ännern]

Dat eerste Album vun de Grupp is 2008 ünner den Titel Smooth Like Stone on a Beach bi CDBY rutukamen, en tweet Album weer 2010 as MP3-Download bi Slapdash Records publizeert. Walk Off the Earth hett bit nu vör allen Leder vun annere Künsters covert, as to’n Bispeel vun Adele oder LMFAO. As Gianni Nicassio dat Leed Somebody That I Used To Know in’t Radio höört harr, keem em de Infall, dat Leed na’t Vörbild vun Karma Polcie vun Radiohead to covern[1]. Ünner Bedeeligen vun de Singersche Sarah Blackwood (The Creepshow) is in blots veerteihn Stünnen en Musikvideo dreiht worrn, dat an’n 5. Januar bi Youtube hoochlaadt weer [2]. Na een Week harrn al 17 Millionen Lüüd op dat Video togrepen[1].

Dat Verbreden vun dat Video in’t Internet is ünner annern dör den Raat vun Russel Crowe op Twitter ünnerstütt worrn[3]. Dat Sünnere an dat Video is, dat all fief Liddmaten vun de Grupp tosamen op een Gitarr speelt. Een sleiht dorbi den Rhythmus op den Korpus vun dat Instrument, un all tosamen singt se dat Leed. Kort later al, is dat Leed ok in’t Radio speelt worrn[2] un WOTE weer as Gast in de Talkshow vun Ellen DeGeneres inlaadt[3].

Mit dat Leed hebbt Walk Off the Earth dat in verschedene Länner bit in de Charts maakt. In de kanaadschen Top Digital Downloads keem dat Leed bit op Platz 3, in de Nedderlannen op Platz 9[4].

Diskografie[ännern | Bornkood ännern]

  • Smooth Like Stone on a Beach (CDBY, 2008)
  • My Rock (Slapdash Records, 2010)
  • R.E.V.O. (2012)

Borns[ännern | Bornkood ännern]

  1. 1,0 1,1 [url=http://archive.is/20130203171612/www.spinner.com/2012/01/13/walk-off-the-earth-youtube-video-somebody-that-i-used-to-know/ Walk Off the Earth: YouTube Video 'Somebody That I Used to Know' Spreads Across the Earth (INTERVIEW)] op spinner.com vun’n 13. Januar 2012, afropen an’n 26. Januar 2012 (engelsch)
  2. 2,0 2,1 [url=http://www.spiegel.de/netzwelt/web/0,1518,808876,00.html YouTube-Sensation. Fünf Musiker spielen auf einer Gitarre] vun Ole Reißmann op Spiegel Online vun’n 13. Januar 2012, afropen an’n 26. Januar 2012
  3. 3,0 3,1 Walk Off The Earth Video: Band Performs Gotye's 'Somebody That I Used To Know' On 'Ellen' vun Ilan Mester op The Huffington Post vun’n 14. Januar 2012, afropen an’n 26. Januar 2012 (engelsch)
  4. Borns för de Charts: Kanada / Nedderlannen, afropen an’n 26. Januar 2012.

Weblenken[ännern | Bornkood ännern]