Waleri Iljitsch Roschdestwenski

Waleri Iljitsch Roschdestwenski (russ: Валерий Ильич Рождественский}}, wetenschaplich Transliteration: Valerij Il'ič Roždestvenskij); * 13. Februar 1939 in Leningrad, Russische SFSR; † 31. August 2011^[1]^[2]) weer en sowjeetsch Kosmonaut.

Roschdestwenski hett eerst en Ingenieurhoochschool vun de sowjeetsch Marine afslooten un weer denn Kommandeut vun en Deepseedüükeenheit vun de Baltisch Seeflotte.

Kosmonautentätigkeit[ännern | Bornkood ännern]

Waleri Roschdestwenski up en sowjeetsch Breefmark (rechts), mit Wjatscheslaw Sudow

An’ 23. Oktober 1965 wurr Roschdestwenski in de Utwahl för dat sowjeetsch Ruumfohrtprogramm beroopen. In de folgend Johren hett he denn de Grundutbillen vun de sowjeetsch Kosmonauten afleggt. He weer denn Bordingenieur bit de Mission vunn Sojus 23 van’ 14. bit 16. Oktober 1976 bedeeligt. Se sullen eenig an de Ruumstatschoon Saljut 5 andocken. Dat Andocksystem funktschoneer aber nich un so mussen se glieks weer torüchfleegen, wiel se dat Andocken vun Hand nich öövt harrn. Bi de Rückkehr sünd de beid Kosmonauten binah verunglückt. Roschdestwenski un sien Kollege Wjatscheslaw Sudow sünd bi Nacht un en Schneestörm up den dicht froren Tengiz-See rünnergahn. Dat Ies is denn braken un se hungen half in’t Water mit hör Kapsel. De Kapsel wurr denn vun buten ut stabliseert un eerst an’ nächsten Dag mit een Hubschrauber burgen.

1986 is Roschdestwenski ut den Kosmonautendeenst utscheeden un hett ansluutend an dat Juri-Gagarin-Kosmonautentrainingszentrum arbeit. Toletzt weer he Berader in en russch Industrieünnernehmen.

He is nah en langwierig Krankheit Enn’ August 2011 storven.

Waleri Roschdestwenski weer verheiraadt un harr een Dochter.