WSV Harle

Vun Wikipedia

De WSV (Watersportvereen) Harle is en Kanusportvereen ut de Wittmunder Oortsdeelen Oldfunnixsiel un Funnix. Nömmt wurrn is he nah de lütt Stroom Harle, an de de Oort Oldfunnixsiel liggt. De Sportler (vör allen de Jöögd) ut disse Vereen nemmt regelmäßig an düütsche Meesterschapen deel. Een vun de gröttste Spood vun Sportlers ut dissen Vereen weer de Junioren-Viezmeesterschap 1995 för Thilo Rothert. Vörsitter vun den Vereen is Wilfried Janssen.

Historie[ännern | Bornkood ännern]

De WSV Harle is an 28. Mai 1967 in de damalig „Harlehof“ in Oldfunnixsiel up Initiative vun de Gemeeendrat in Funnix grünnd wurrn. Noch in de Sömmer 1967 sünd de eersten dree sülvst boot Holtkanus vun de Nahbervereen BSC Burhaaf köfft wurrn. Laterhen keemen Polyester- un Faltbooten dorto. 1969 wurr de nee Bootshaben in Bedriev nommen, dat geef nu all 108 Liddmaaten. 1969 is dat Boothuus övergeven wurrn. 1996 hett man Bootswarkstäe, Ünnerstellmögelkeeten för Wannerboote un Platz för Bootsanhänger schafft.

Erfolge[ännern | Bornkood ännern]

Siet sien Grünnen hett der Vereen an diversen Regatten un Meesterschapen deelnommen. Dorbi kunnen de WSV-Kanuten siet 1983 bannig goode Erfolge verteken. 75-mal wurrn Vereensmannschapen as Regattenbest uttekend. De Sportlers hebbt 290 Landsmeestertitel in Neddersassen errungen un bi Noorddüütsche Meesterschapen kregen se 88 Titel.

Siet 1980 neem Aktive ok an düütsche Meesterschapen deel; hier kunnen Sportler vör allen in de Schöler- und Jöögd-Klassen siet 1988 Medaillen winnen. Spoodriekste Kanuten sünd Thilo Rothert und Paul Pradler.

Rothert weer Juniorenviezweltmeester 1995 un hett 1997 över 10.000 Meter bi de Mannslüüd noch een Bronzmedaille bi de Düütsche Meesterschapen wunnen. Spood hett he nahst ok bi KC Limmer in Hannober harrt.

Siet 2001 is Paul Pradler spoodriekst Kanute bi de WSV. Ok he kreeg, genau so as Rothert, in Juniorenberiek Medaillen bi Düütsche Meesterschapen. Siet 2004 start he bi de Mannslüüd un hett tosommen mit Tobias Kawohl vun Vorwärts Hamburg in’n Twee’er dreemal den darten Platz bi düütsche Meesterschapen beleggt. 2005 hett he ok noch een darten Platz in’n Veerer bi de Düütsche Meesterschapen in Köln beleggt.

Weblenken[ännern | Bornkood ännern]