Wöltje

Vun Wikipedia
Wesseln na: Navigatschoon, Söök

Wöltje is een plattdüütschen Vörnaam for Jungs.

Herkamen[ännern | Bornkood ännern]

Wöltje is een plattdüütsche Form vun den olen düütschen Naam Walter. In düssen Naam steekt de beiden germaanschen Wöör waltan (regeeren, Baas ween) un Heri (Heer, Suldaten) in. De Naam heet denn soveel, as De öber de Suldaten regeeren deit oder De Baas is vun dat Heer.

Anner Spraken[ännern | Bornkood ännern]

In anner Spraken gifft dat anner Formen vun düssen Naamen. Plattdüütsch: Wolter, Wöltje Swiezerdüütsch: Walti Engelsch: Walt, Walter Nedderlannsch: Wout, Wouter Franzöösch: Gauthier, Gautier Italieensch: Gualtieri, Gualtiero

De plattdüütsche Vörnaam[ännern | Bornkood ännern]

Ut den Naam Walter is toeerst de korte Form Walt oder Wolt vun maakt wurrn. To'n lüttjer maken as een Smusenaam for de Gören keem dor denn dat Anbacksel (Suffix) -je achteran. Up düsse Aart is dor denn de Naam Woltje oder Wöltje vun wurrn. De heet denn so veel, as Lüttje Walter.

Plattdüütsche Tonaams[ännern | Bornkood ännern]

Vun düssen plattdüütschen Vörnaam Wöltje kaamt nu ok de plattdüütschen Tonaams Wöltje un Wöltjen vun her. De bedüüt so veel, as : Ut Wöltje siene Familie oder ok Vun Wöltje sienen Hoff.

Kiek ok nah bi[ännern | Bornkood ännern]

Weblenken[ännern | Bornkood ännern]

  • Wofaken un woneem de Vörnaam in Düütschland vörkummt: Woeltje