Vivi Bach

Vun Wikipedia
Wesseln na: Navigatschoon, Söök

Vivi Bach (an un for sik Vivi Bak, ok Vivienne Bach; * 3. September 1939 in Kopenhagen; † 22. April 2013 in Santa Eulària, Ibiza, Spanien) weer en Singersche, Schauspelersche, Feernsehmoderatorsche un Schrieversche ut Däänmark.

Leven[ännern | Bornkood ännern]

Al as Kind weer de Bäckerdochter dull up Singen un Danzen. As Schölersche up'n Gymnasium is se in en Jazzkeller uptreden. Na de Scholen hett se sik utbillen laten un woll Maskenbildnersche weern. Man de Utbillen hett se nich to Enne brocht un hett Unnerricht in Gesang un Schauspeel nahmen. As Singersche vun en Band is se up en eerste Tournee gahn. In Kopenhagen hett se denn eerste lüttjere Rullen an't Theater kregen. De Press hett dat goot upnahmen.

1956 hett se de eerste Filmrull kregen. Annere folgen bold na. Ok in Düütschland weer de junge Deern ut Däänmark to sehn, tohopen mit Hans-Joachim Kulenkampff hett se 1959 to'n eersten Mol in en düütschen Film mitspeelt. Achterna kemen sunnerlich Musikstriepen ahn groden Anspruch. Dor is se an de Sieten vun Peter Alexander, Rex Gildo, Bill Ramsey, Fred Bertelmann un Gus Backus upträden. Bovento hett se noch in internatschonale Film mitspeelt, as den Italowestern Le Pistole non discutono (1964, up düütsch: Die letzten Zwei vom Rio Grande) mitspeelt.

Ehre Loopbahn as Singersche in Düütschland gung 1960 los mit en Duett mit Rex Gildo bi Electrola, man in datsülvige Johr is se na Philipps gahn, wo bit 1964 olben Platen mit ehr rutbrocht wurrn sünd. An'n besten lopen is dor wedder en Duett bi, dütmol mit Gerhard Wendland: Dat weer de düütsche Verschoon vun den US-Hit „Hey Paula“ vun Paul & Paula unner den Titel „Hey Vivi – Hey Gerhard“. Dat weer ehr eenzigsten Titel, de in de düütsche Hitparade unnerkamen konn. Ok, as se 1965 na Ariola gahn is, is dat in de Charts nich beter lopen.

Gor nix is dor vun wurrn, as se versocht hett, en egen Filmfirma up to maken. Bach hett den Krimi Das Geheimnis der roten Quaste produzeert, man de hett nich veel Tokiekers funnen. Goot an de Saak weer for ehr avers, dat se bi düssen Film den Schauspeler Dietmar Schönherr kennen lehrt hett, den se 1965 heiraden dö. Mit em hett se achterna noch twee Film dreiht: Ein Ferienbett mit 100 PS un Blonde Fracht für Sansibar. Ok bi de Science-Fiction-Serie Raumpatrouille weer se in de Folg kampf um die Sonne an Schönherr siene Siet to sehn. Ehr se Schönherr freen dö, weer se al mol mit Heinz Seebeck ut Wien verheiraat' ween.

Tohopen mit Schönherr hett se denn anfungen, in't Feernsehn as Moderatorsche to arbeiden. To een vun de leevsten düütschen Feernsehstars is de „däänsche Bardot“ dör de Feernsehserien Gala-Abend der Schallplatte un sunnerlich dör de 24 Folgen vun de Speelshow Wünsch Dir was (1969–1972) wurrn. Goot ankamen is se ok 1969 in de Unnerholens-Serie Luftsprünge an de Siet vun Luis Trenker un Toni Sailer.

1973 hett de WDR en personality-Show unner den Titel Vivat Vivi rutbrocht. Dor hett Bach sik vun allerhand Sieten wiest, man amenn is se dor doch nich mit ankamen. 1976 hett se ehre leste Schallplate rutgahn laten. Dat weer en Duett mit Dietmar Schönherr ("Das Leben meint es gut mit Dänen und mit denen, denen Dänen nahe stehen"). Achterna hett se sik torüchtrocken in't Privatleven.

Later weer se togange as Malersche, Illustratorsche un Schrieversche vun Kinnerböker un hett Schönherr unner de Arms grepen bi siene sozialen Engagements. Mit em hett se vun 1990 af an in Santa Eulària up Ibiza leevt. Dor is se an'n 22. April 2013 sturven, wiel dat Hart nich mehr mitspeelt hett.[1]

Diskografie[ännern | Bornkood ännern]

A/B-Siet Rutkamen Platenfirma
Singen – Swingen / Die Cowboys von der Silver-Ranch 8/1960 Electrola[Anm. 1]
Alle Männer sind Räuber / Mi scusi, mi scusi, Signor 10/1960 Philips
Voulez-vous Monsieur / Playboy 1/1961 Philips
In Ko-Ko-Kopenhagen / Tu was du willst 7/1961 Philips
Ein kleines Indianergirl / Sieben süße Küsse 1/1962 Philips
Wenn die Musik spielt am Wörthersee / Das süße Leben 5/1962 Philips
Wo ist der Mann mit dem Bart / Da kam ein junger Mann 8/1962 Philips
Hey Vivi – Hey Gerhard / Kleines Haus 5/1963 Philips[Anm. 2]
King-Hully-Gully / Die Musik und die Liebe 11/1963 Philips
Ja, wenn der Mondschein nicht wär / Tivoli-Twist 12/1963 Philips
Sole, Sole, Sole / Nachts sind Küsse noch einmal so 2/1964 Philips[Anm. 3]
Let’s Shake / Dreamy Boy 6/1964 Philips
Bei mir beißen nicht nur kleine Fische an / Wo sind die Stunden 1964 Prom[Anm. 3]
Hey Boy, geh' deinen Weg / Jeder nennt mich Baby 3/1965 Ariola
Snib Snab Snob / Leg die Pistole weg 8/1965 Ariola
Oh Mr. Brown / Wenn du mich abends küßt 11/1965 Ariola
Hvad Gør En Teenager Med Kærlighed (Teenager In Love) 1977 KMF
Hva' Gør Det (Living Doll) 1977 KMF
  1. mit Rex Gildo
  2. mit Gerhard Wendland
  3. 3,0 3,1 mit Dietmar Schönherr
Later rutkamen
  • nah 1967: Das Farbfernsehpaar (fontana, LP)
  • 1967: Gala-Abend der Schallplatte (Teldec, LP)
  • 1968: Berühmte Eltern erzählen Märchen (Poly, LP)
  • 1968: Du und ich (Cornet, LP, mit Dietmar Schönherr)
  • 1969: Summ, Summ, Summ
  • 1969: Gala-Abend der Schallplatte (Teldec, LP)
  • 1971: Keep Swinging
  • 1971?: Wünsch dir was (Elektrola)
  • 1975: Lieder für die Frau um 30 (LP)
  •  ?: Zwei (BASF, LP)
  • 1976: Der Duft der großen Welt / In der guten alten Zeit (Prom, Single, mit Dietmar Schönherr)
  • 1980: Vores gade (Ed. Wilhelm Hansen, LP, mit Otto Brandenburg)
  • 2006: Jugendsünden (Bear, CD)

Filmografie[ännern | Bornkood ännern]

Johr Titel Synchroonsnacker
1958 Krudt og klunker  
1959 Immer die Mädchen
1960 Gitarren klingen leise durch die Nacht
1960 Kriminaltango
1960 Schlager-Raketen
1960 Wir wollen niemals auseinandergehen
1961 Die Abenteuer des Grafen Bobby
1961 …und du, mein Schatz, bleibst hier
1961 Am Sonntag will mein Süsser mit mir segeln gehn
1962 Verrückt und zugenäht
1962 Der verkaufte Großvater
1962 Die Post geht ab
1963 Unsere tollen Nichten
1963 Das Rätsel der roten Quaste
1963 Death Drums Along the River
dt.: Todestrommeln am großen Fluß
Ursula Herwig
1964 Holiday in St. Tropez
1964 Le pistole non discutono
dt.: Die letzten Zwei vom Rio Bravo
 
1965 Mozambique
dt.: Blonde Fracht für Sansibar
 
1965 Tausend Takte Übermut
1966 Upperseven, l’uomo da uccidere
dt.: Der Mann mit den tausend Masken
 
1966 Ski Fever
dt.: Liebesspiel im Schnee
 
1967 Con la muerte a la espalda
dt.: Operation Taifun
 
1967 Herrliche Zeiten im Spessart
1968 Det er så synd for farmand  
1969 April – April
1969 Ein Tag ist schöner als der andere
1969-70 Luftsprünge, Feernsehreeg

Utteken[ännern | Bornkood ännern]

Vivi Bach is 1971 tosamen mit Dietmar Schönherr un Peter Behle mit de Golden Kamera in de Kategorie Best Entertainmentshow uttekent worrn för de Sennen Wünsch dir was. För de glieke Show weer se 1973 tosamen mit Schönherr ok mit den Bambi ehrt.

Literatur[ännern | Bornkood ännern]

  • Vivi Bach: Ein Kind aus Kopenhagen – Bilder und Geschichten, selbst gemalt und selbst erzählt. Marion von Schröder Verlag, Düsseldorp 1971, ISBN 3-547-71105-3

Borns[ännern | Bornkood ännern]

  1. Fernsehlegende Vivi Bach ist tot († 73) op tagesschau.de an’n 23. April 2013, afropen an’n 23. April 2013

Weblenken[ännern | Bornkood ännern]