Victor Gaskin

Roderick Victor „Vic“ Gaskin (* 23. November 1934 in Bronx, New York) is en US-amerikaansch Bassist vun den Modern Jazz.

Gaskin stammt ut en musikalisch Familie, de vun de Virgin Islands inwannert sünd. He harr as Kind bi sien Vader Gitarr- un Klaveerünnerricht un studeer later an de New York School of Music. Nah sien Militärdeenst hett he in Los Angeles anfangs in de Band vun Paul Horn arbeit. He speel aber ok bi Buddy Collette, den Jazz Crusaders, Gerald Wilson, Bud Shank, Monty Alexander un Roy Ayers (mit de he ok upnommen hett). 1964 wurr he Liddmaat in dat Trio vun Les McCann, um denn van 1966 bit 1969 in dat Quintett vun Cannonball Adderley to arbeiten. Dornah harr he Jobs bi Thelonious Monk, Duke Ellington un Chico Hamilton, bevör he Liddmaat vun de Band vun John Mayall wurr. Up Festivals is he todem mit Leon Thomas un Oliver Nelson uptreden.

Anschließend weer he hööftsächlich as Fotograf tätig, speel aber ok mit dat „New York Jazz Quartett“ un den Pianisten Billy Taylor. Mit de gung he af de 1980er Johren up Tournee un nehm Alben as „White Nights & Jazz in Leningrad“ oder „Dr. T.“ up. He hett aber ok mit Nat Adderley, Clark Terry, Johnny Hartman, Herbie Mann, Attila Zoller un Harold Alexander Upnahmen makt.

Lexigraphisch Indrääg

• Martin Kunzler, Jazz-Lexikon Bd. 1. Reinbek 2002; ISBN 3-499-16512-0