Venusbult

Vun Wikipedia
Wesseln na: Navigatschoon, Söök
Venusbult bi en Fro

De Venusbult (ok Schaambult, Schaambarg oder as medizinsch Fachbegreep Mons pubis oder Mons veneris) is en lütt Opwölben över dat Schaambeen. De Naam is vun de röömsch Göddin vun de Leev un de Schöönheit, Venus, afleidt.

De Bult besteiht ut subkutan Fettgeweev, also Geweev, dat ünner de Huut anlagert is un dat Schaambeen schulen schall. De Venusbult warrt na de Pubertät to’n Deel oder kumplett vun de Schaamhoor afdeckt, wenn de nich wegmaakt worrn sünd. Wo groot de Venusbult is, hangt to’n Deel ok vun den Andeel Fett an’t Gesamtgewicht vun’n Lief af. Den Schaambult gifft dat an sik bi Fronslüüd un Mannslüüd, man bi de Fronslüüd is he veel düüdlicher utprägt un warrt dorüm normalerwies ok blots bi jem as Venusbult betekent. Na ünnen geiht de Venusbult över in de Schaamlippen.

För den Venusbult gifft dat ok twee Oorden vun Piercings. De een waart Christina nöömt, de annere heet Nefertiti.

Anners wat[ännern | Bornkood ännern]

Venusbult is ok de Beteken för den Thenar, wat een vun de teihn Bulten vun de Handbinnenflachen bi’t Handlesen is. Dor warrt he as Sitt vun de Sinnlichkeit un Gerechtigkeit ansehn.

Weblenken[ännern | Bornkood ännern]

Commons-logo.svg Venusbult. Mehr Biller, Videos oder Audiodateien to’t Thema gifft dat bi Wikimedia Commons.