Vörwark (Neddersassen)
| Wapen/Flagg | Koort | |
|---|---|---|
 |
|
|
| Basisdaten | ||
| Flach: | 21,65 km² | |
| Inwahners: | 1.089 (31. Dezember 2007) | |
| Inwahnerdicht: | 50,3 Inwahners pro km² | |
| Hööchd: | 22 m över de See | |
| Postleettall: | 27412 | |
| Vörwahl: | 04283, 04288 | |
| Geograafsche Laag: | Koordinaten:53° 11′ N, 9° 9′ O53° 11′ N, 9° 9′ O |
|
| Gemeenslötel: | 03 3 57 052 | |
| Öörd in de Gemeen: | 3 | |
| Börgermeester: | Thomas Müller | |
  |
||
Vörwark is en Oort un Gemeen in de Samtgemeen Tarms in’n Landkreis Rodenborg (Wümm) mit ruchweg 1100 Inwahners. To de Gemeen tellt blangen Vörwark sülvst ok de Oortsdelen Bookholt un Dipshoorn, de ehmols egenstännige Gemenen wesen sünd.
Inholtsverteken |
Geografie [ännern]
De Gemeen Vörwark liggt an’n westlichen Rand vun’n Landkreis Rodenborg un warrt na Noorden hen vun de Gemenen Büls un Wilst begrenzt. In’n Oosten besteiht an’n lütten Tippel Kuntakt mit Horß in de Samtgemeen Söttmer. Na’n Westen slutt sik de Landkreis Oosterholt mit de Eenheitsgemeen Grasbarg an, wiel de süüdööstliche Grenz an’n Landkreis Veern mit de Eenheitsgemeen Otterbarg anslutt. De Landschop is vör allen dör de Bueree prägt, bargt aver ok Wooldflachen.
Geologie [ännern]
En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.
Politik [ännern]
Gemeenraat [ännern]
De Gemeenraat vun Wilst ümfaat ölven Lüüd, de sik siet de letzten Kommunalwahl vun’n September 2011 as folgt tohopensett:
| Partei | 2011 | 2006 |
| WG Dipshoorn | 2 | 2 |
| WG Bookholt | 5 | 5 |
| WG Vörwark | 4 | 4 |
Börgermeester [ännern]
| Tied | Naam | Partei |
|---|---|---|
| 1972-1996 | Hinrich Warjes | WG Dipshoorn |
| 1996-2011 | Ernst-August Seeger | WG Dipshoorn |
| 2011- | Thomas Müller | WG Vörwark |
Kultur [ännern]
Vörwark hett en ollen Oortskarn mit pleegte Fachwarkhüüs un en Klockentoorn. Dicht bi den Toorn gifft dat en groten Findling ut Granit, de ruchweg 33 Tünnen wiggt. An den Oort grenzt dat Wooldrebeet „De Linnewedel“ mit sien Wanner- und Radweeg. Butendem gifft dat in Bookholt en lütten Ilexwoold mit ruchweg dörtig Bööm un dicht bii op’n Holtbarg en poor bannig olle Kratteken.
Beropen Lüüd [ännern]
- Leander Modersohn (* 1980), Schauspeler
- Fero Andersen (*1982), Moderater
Verkehr [ännern]
Dör de Randlaag in’n Landkreis, verloopt över dat Gemeenrebeet keen grote Straten, liekers is de BAB 1 nich wiet weg. Över de Anslussteden Bokel oder Stuckenborstel is dor gau hen to kamen. Dör Vörwark verlöpt de L 132, de Steenfeld mit Otters verbinnt. In Vörwark twiegt dorvun de K 128 af, de na Wilst föhrt. Vun Wilst ut föhrt de K 146 över Dipshoorn wieter – achter de Kreisgrenz as K 33 – na Otters. Un ok vun Wilst ut geiht de K 113 över Bookholt wieter na Quelkhorn, wat ok al to de Eenheitsgemeen Otterbarg höört.
Ahusen | Alfst | Annerlingen | Basdaal | Bootel | Bötersen | Breddörp | Bremervöör | Brookel | Büls | Deins | Eversdörp | Elsdörp | Farm | Fintel | Gnarrenborg | Groot Meckels | Hassendörp | Heemsbünnen | Heeßel | Hellweeg | Helsch | Hemslingen | Hepst | Hipst | Homersen | Horß | Jeem | Kalf | Karktimk | Karkwals | Lauenbrüch | Lengenbossel | Lütt Meckels | Oerel | Oostereis | Reeßen | Rhaar | Rodenborg (Wümm) | Sandbossel | Scheeßl | Seedörp | Sittens | Söttmer | Stemmen | Sürsen | Tarms | Tiss | Vahl | Vierden | Visselhöövd | Vörwark | Westertimk | Westerwals | Wilst | Woonst | Zeven
