Vörlaag Diskuschoon:Navigatschoonsliest Städer un Gemeenden in den Landkreis Deefholt

Wo kaamt denn de Ünnerscheed to de List op Wikipedia:Wikiprojekt Öörd/Översicht her? --::Slomox:: >< 02:44, 18. Mär 2008 (CET)[anter]

Gode Fraag. Eenmol, weil ik ganz vergeten harr, dat wi dor ja al en List anleggt harrn. Dor hebb ik eenfach de Naams ut den Artikel Landkreis Deefholt nahmen. Un denn harr ik vunwegen düsse Naams de Behörden in all Deefholter Gemeenden anschreven, se schollen mi mol seggen, wat de plattdüütschen Naams vun jem ehre Dörper weern. Dor hefft se mi to'n groten Deel Antwoort geven, man ut verscheden Borns hefft se de woll tohopenkleit un ok in verscheden Dialekten. Un denn kümmt dor noch de ünnerscheedliche Schrievwies to. Fehlen döen Suwohle, Swabern un Swarm, dor hebb ik nix kregen. Nu hest du avers woll mol schreven, dat du ene List tohannen hest mit all plattdüütschen Oortsnaams? Dor gifft dat denn woll noch mol en Ünnerscheed. Amenne noch düt: Bi Brooksen, Scholen un Rehrn warrt de Vokalen in'e Midden lang utspraken. Wenn dat nu avers en slaten Sülv is, denn so mutt, na miene Meenung, en Konsonant to'n Dehnen hento (Re-h-rn) oder de Vokal mutt dubbelt nahmen weern (Bro-o-ksen). Bi Scholen is dat en apen Sülv, dor kann, dücht mi, de Vokal enkelt stahn blieven. Wenn een nu avers Scholn schrifft, denn bedutt dat, dat de Vokal verdubbelt weern mutt na Schooln, anners weer de ja kort ut to spreken. Na ja, so wiet eerst mol. ---Bolingbroke 11:46, 18. Mär 2008 (CET)[anter]

Villicht schullen wi Baarnborg, Baanstrup un Barnbössel eenheitlich schrieven as Baarnborg, Baarnstrup, Baarnbössel.

Mit de Dubbelvokalen geev ik di recht. De List (Belegoortdatenbank) vun dat Neddersassische Wöörbook is ok ans nix as tohoopkleit. Nich dat dor Tüdelkraam insteiht, aver de Naams stammt vun de Lüüd, de Fraagbagens för dat Wöörbook utfüllt hebbt. Un de sünd natürlich allens Laien un wüssen vun Orthografie nix af. As Born för bestimmte Schrievwiesen döggt de List nix, wi schöölt also man Scholen un Brooksen schrieven.

Ünnerscheed blifft denn noch bi Drentwede/Drentwege, Hemsloh/Hemzel, Freistatt/Freestatt (de Ünnerscheed is man lütt, mutt mit'n DIWA ruttokriegen wesen, wat beter passt [Neenkarken hett aver ok keen -ei-]). Un denn mutt ik noch fragen: Bi Lemförde hebbt se di Antwoort geven, dat se dor Lemförde seggen doot? In de Projektlist heff ik dat ok so, aver blot vun wegen, dat ik dor al, vördem ik de List vun dat Nds. Wöörbook kregen harr, en plattdüütsche Siet funnen harr, de Lemförde bruken dee. Dat harr ik denn so laten, ofschoonst de Wöörbook-List 'Lemfor, Lemfauer seggt. Un wenn ik dat bedenk, denn klingt Lemfoor ok beter. Dat dat Woort förde gor nich afslepen wesen schall, dat kummt mi gediegen vör. --::Slomox:: >< 16:40, 18. Mär 2008 (CET)[anter]

Bi Hemzel hebb ik överhen keken: Hebb ik ok so in miene Liste stahn. Dat änner ik glieks. Bi Drentwede hefft se mi Drentwäde tostüert, dor laat ik dat lever bi dat e. En Henwies up -wege hebb ik nich kregen. Bi Freestatt hebb ik beides: Freestatt un Freistatt. Dat is bestimmt vunwegen den Tungenslag, den se dor snackt. Ik dö man doch lever bi Free- blieven. Denn is dat övereen mit dat Woort free, as dat in't Wöörbook steiht un ok mit dat Dubbel-e in Neenkarken. Lemförde steiht dor utdrücklich as Lemförde. Wieder na Süden to warrt ja woll ok weniger afslepen. ---Bolingbroke 17:54, 18. Mär 2008 (CET)[anter]

Wat för'n Text hest du jem denn schreven? Ik heff dat ok al mal versöcht, in Mekelborg-Vörpommern, un dor heff ik nich alltoveel Antwoort kregen. Dorto mutt ik man seggen, dat ik dat glieks bi de Landkreise versöcht heff. Weer woll doch en beten narrsch to glöven, dat de sik in alle Ecken vun jemehr Kreis utkennt. De grote Deel hett aver glieks gornich antert. Oder hest du dat per Post versöcht? Ik heff nämlich so den Verdacht, dat de Beamten in uns Verwaltungen E-Mail nich so recht för vull nehmt un dat se blot bi Post to'n Anfaten sik verplicht föhlt, dat se Antwoort geevt. --::Slomox:: >< 19:44, 18. Mär 2008 (CET)[anter]

Ik hebb düssen Standardtext an de Börger-Servicecenters un annere Kontoren schreven:

"Sehr geehrte Damen und Herren!

Ich wende mich an Sie als Administrator der plattdeutschen Ausgabe der Internet-Enzyklopädie "Wikipedia" (nds.wikipedia.org). Wir beabsichtigen, Artikel über die Orte und Gemeinden des Landkreises Diepholz zu verfassen. Man wie heet de Öörd denn nu op Platt? Könnt Se us dor woll bi hölpen? Un even de Naams upschrieven, de Se weten doot? Un denn foorts her dormit! Sie täten uns einen großen Gefallen!

Mit bestem Dank für die Mühewaltung..."

So in de Aart güng dat an de verscheden Gemeenden in Deefholt, de Adressen hebb ik tomeist ut de hoochdüütsche Utgave nahmen. Ok na Hessen hebb ik schreven. Dor weern dat aver ok Heimatverenen un so wat. De meisten hefft sik denn gau bi mi mellt. ---Bolingbroke 00:37, 19. Mär 2008 (CET)[anter]

Na, denn versöök ik dat man ok noch wedder. Ik nehm nu Landkreis Jerichower Land. Mal sehn, wat dor vun warrt. --::Slomox:: >< 03:44, 19. Mär 2008 (CET)[anter]