Ununoctium

Vun Wikipedia
Wesseln na: Navigatschoon, Söök
118 UusUnunoctiumnix
Rn

Uuo

nix
Uuo-TableImage.png
Allgemeen
Naam, Teken, Atomtall Ununoctium, Uuo, 118
Cheemsch Serie noch nich bekannt
Klöör nich bekannt
Atommass 293 (schätzt) g/mol
Elektronenkonfiguratschoon [Rn]5f146d107s27p6
(afleidt vun Rn)
Elektronen je Schaal 2, 8, 18, 32, 32, 18, 8
Physikaalsche Egenschoppen
Phaas Gas (schätzt)
Atomare Egenschoppen
Annere Egenschoppen

Ununoctium (vun lat. unus „een“ (2×) un lat. octo „acht“, wat de Atomtall vun 118 weddergifft) is dat swoorste cheemsche Element, dat bit vundaag bekannt is. In dat Periodensystem steiht Ununoctium ünner dat Radon. Dorüm warrt dorto manchmol ok Eka-Radon seggt. Dat Element warrt mit dat Atomteken Uuo afkört, de Naam is en vörlöpig Beteken.

Opdecken[ännern | Bornkood ännern]

Bedrogen Opdecken 1999[ännern | Bornkood ännern]

In dat Johr 1999 weer in de Fachtietschrift Physical Review Letters en Bericht publizeert woorn över dat Opdecken vun de Elementen Livermorium un Ununoctium an’t Lawrence Berkeley National Laboratory. De Bericht weer aver dat Johr dorop wedder torüchtogen, wiel de Resultaten, de dorin beschreven weern, nich dör annere Wetenschopplers namaakt warrn kunnen. In’n Juni 2002 geev denn de Baas vun de Berkeley Labs bekannt, dat de anfanglich Bericht mit gröttster Wohrschienlichkeit op Bedrug un verkeehrte Daten torüch geiht, wiel en Mitarbeider, Victor Ninov ünner Verdacht weer, de Verfallsreegen manipuleert to heben. Ninov verkloor dorophen aver, dat de Maatinstrumenten nich richtig arbeid harrn un he nix dorvör kunn.

Opdecken 2006[ännern | Bornkood ännern]

In’n Oktober 2006 weer denn noch mol wedder dat Opdecken vun dat 118. Element bekanntgeven. Tosamen weern dree Atomen nawiest worrn, de al 2002 un 2005 in Dubna in en Joint-Venture-Inrichten vun dat russ’sche Vereenigte Institut för Karnforschen un dat Lawrence Livermore National Laboratory künstlich maakt worrn sünd.

De Wetenschopplers harrn bi’t Bescheeten vun Californium mit Calcium-Ionen twee ünnerscheedliche, superswore Atomkarns herstellt. Kort dorna weern eenige Atomen för en poor Ogenblicken versmölt un weern denn as Element 118 künnig worrn.

Naam[ännern | Bornkood ännern]

Ununoctium is en vörlöpigen, systemaatschen Naam. Dat warrt dorvun snackt, dat de Opdeckers för dat Element den Naam Moskowium vörslaan wüllt. Dat mutt denn aver noch dör de IUPAC bestätigt warrn. Deelwies warrt disse Beteken al vun de Medien bruukt. De amerikaansch Grupp üm Ninov harrn egentlich plaant, den Naam Ghiorsium vörtoslaan as Anerkennen för jümmern Kollegen Albert Ghiorso, de grooten Andeel haar an de Opdecken vun de Elementen 95 bit 106. De Vörslag weer aver henfällig, as de Bedrug künnig maakt weer.

Egenschoppen[ännern | Bornkood ännern]

Ununoctium is en radioaktiv Element mit en Halfweertstiet vun 0,89 ms. Dör Alphaverfall warrt dorut denn Ununhexium, dat aver in wenig Sekunnen ok wedder verfallt. Ununoctium tellt to de Transactinoiden un warrt cheemsch to de Serie vun de Eddelgasen rekend. Of dat Element bi Ruumtemperatur wirklich as Gas vörliggt, is aver noch nich bekannt.

Vun wegen denn relativistischen Effekt kann dat wesen, dat sik Ununoctium gor nich as en Eddelgas verhollt. Disse Egenschoppen is egentlich mehr bi dat Copernicium (112) vermoodt orrn. Doröver warrt in theoretsch Diskusschonen veel snackt. Cheemsch Experimenten to da Egenschoppen gifft dat bit nu noch nicht, as dat Elenmenten jo blots över sien tyypsch Verfallsreeg nawiest warrn künn.

Tatsächlich künn Uuo düdlich vun de Egenschoppen vun de Eddelgasen afwieken. Man vermoodt, dat sik dat villicht in Water nich atomar lööst, man as Oxid.