Trudy Pitts
Getrude E. “Trudy” Pitts Carney (* 10. August 1932 in Philadelphia; † 19. Dezember 2010 ok dor) weer en US-amerikaansch Organistin vun de Soul Jazz.
Biographie[ännern | Bornkood ännern]
Pitts studeer an de Philadelphia Musical Academy, an de Temple University un Julliard. Hör Karriere fung se an as Assistentin vun den Pianisten in de Show Raisin'. Nah dat Enn‘ vun de Tournee vun dat Musical hett hör Ehemann William Theodore Carney II (ok Bill Carney, oder eenfak Mr. C nömmt) – he weer Slagtüüchspeler bi Shirley Scott – hör dorto anregt, hör Repertoire wieder to entwickeln. 1967 is se an de Oostküst uptreden und wurr dorbi vun Carney begleit.[1]. Se harr Bill Carney 1958 heiraadt. Buterdem speel se mit Ben Webster, Gene Ammons un Sonny Stitt. Enn‘ vun de 1960er Johren nehm se veer Alben ünner eegen Naam för Prestige Records up, an de ü.a. Willis Jackson, Pat Martino un Rahsaan Roland Kirk mitwarkt hebbt.[2][3] Se hett Pat Martino up sien Prestige-Album El Hombre (1967) begleit un Roland Kirk up de sien Alben The Return of the 5000 Lb. Man (1976), Other Folks' Music (1976) un Kirkatron (1977). Later is se up dat ölfte Mary Lou Williams Women in Jazz Festival in Washington, D.C. uptreden, 2008 in dat Kennedy Center.[4]
Diskographie[ännern | Bornkood ännern]
- Introducing (Prestige, 1967) (mit Pat Matino)
- These blues are mine (Prestige, 1967)
- Bucket full of soul (Prestige 1968)
- Excitement (Prestige 1968)
Weblenken[ännern | Bornkood ännern]
Enkeld Nahwiesen[ännern | Bornkood ännern]
- ↑ http://www.allaboutjazz.com/php/musician.php?id=10324 All About Jazz
- ↑ http://jazztimes.com/articles/18293-trudy-pitts-t, ihr he-godmother
- ↑ 1999 keem en Kompilation vun hör Upnahmen up Legends of Acid Jazz, Trudy Pitts & Pat Martino herut.
- ↑ http://www.kennedy-center.org/explorer/artists/?entity_id=20266&source_type=B