Trimethylaminurie

Vun Wikipedia
Wesseln na: Navigatschoon, Söök

Trimethylaminurie is en Stoffwesselkrankheit, bi de de Kranke na Fisch rüken deit.

De Stoff Trimethylamin, de temlich dull na olen Fisch rüken deit, warrt normalerwies in de Lebber vun Enzymen ut de Grupp vun de Flavin-Monooxygenasen afboot un in Trimethylamin-N-Oxid ümwannelt, wat nich rüken deit. Bi Minschen mit Trimethylaminurie fehlt dit Enzym un dat Trimethylamin sammelt sik in’n Körper un warrt mit Sweet, Urin un Aden na buten afgeven.

Bi Minschen mit Trimethylaminurie is normalerwies dat FMO3-Gen in de Chromosomenregion 1q23-q25 kaputt. Blot wenn bi beide Öllern dit Gen kaputt is, kriggt een de Krankheit (autosomal-rezessiv).

Faststellen lett sik de Krankheit över en Urintest, de meten deit, woveel Trimethylamin un Trimethylamin-N-Oxid dor in is. De geneetsche Nawies lett sik över en Bloodtest maken. Behanneln lett sik de Krankheit blot dör en spezielle Diät, de ahn de Saken utkummt, ut de sik Trimethylamin billt (to’n Bispeel Cholin un Carnitin). Also wenig Eier, Paalfrücht, Fisch un welk Soorten Fleesch. Veel Waschen kann dat Rüken en beten minnern.

De Krankheit is nich wieder slimm för den Körper, blot de Rüük vun Fisch kann licht en swoor sozial Naklapp hebben.