Transsudat

Vun Wikipedia
Wesseln na: Navigatschoon, Söök

As Transsudat warrt in de Medizin Fletigkeiten vun’n Lief betekent, de dör dat Epithel oder ut Fatten uttreden künnt, aver nich in’n Tosamenhang mit Sweren staht. De Vörgang, wenn solke Fletigkeiten afegeven warrt, warrt as Transsudatschoon betekent. Fletigkeiten, de as Naklapp vun en Sweer afsünnert warrt, warrt in’n Ünnerscheed dorto as Exsudaten betekent. Transsudaten künnt bi gesunne aver ok bi krankhafte Vörgäng in’n Lief vörkamen.

Egenschoppen[ännern | Bornkood ännern]

In’n Gegensatz to vele Fletigkeiten in’n Lief wiest Transsudaten blots wenig Zellen op un bargt tomeist blots afschgilfter Mesothelzellen un en poor Leukozyten. Ok Protein is dor blots wenig binnen; normalerwies mit en Andeel vun ünner 30 g/l. Dat spezifische Gewicht is lütter as 1,018. De meisten TRanssudaten sünd ahn Klöör, mitünner ok vun licht gele Klöör.

Physioloogsche Transsudaten[ännern | Bornkood ännern]

Physioloogsch kamt Transsudaten as Afsünnern vun Epithelen vör. Se billt dorbi en fienen Film vun Fletigkeit, wat vun de Mengde her also blots ’n beten is. Transsudaten sünd to’n Bispeel dat Schedensekret oder te Fletigkeitesfilm op de Tunica serosa.

Patholoogsche Transsudaten[ännern | Bornkood ännern]

Möögliche Oorsaken för patholoogsche Transsudaten sünd:

Transsudaten künnt as’n Ansammeln in’t Interstitium, d.h. as Ödem, vörkamen oder ok in en Liefhöhl rinlopen (Hydrops, Aszites, Pleurainstroom).