Torbjørn Falkanger

Vun Wikipedia
Wesseln na: Navigatschoon, Söök

Torbjørn Getz Falkanger (* 8. Oktober 1927 in Trondheim; † 16. Juli 2013[1]) weer en norweegsch Skispringer.

Falkanger wurr 1949, 1950 un 1954 norweegsch Skisprungmeester; 1949 un 1950 wunn he dat prestigeträchtige Springen an’ Holmenkollen. 1952 wurr hüm de Holmenkollen-Medaille verleeht, de hööchst Utteeken in’ norweegschen Skisport. Bi de Nordisch Skiweltmeesterschap in Lake Placid reck he 1950 den fievten, 1954 in Falun den sössten Rang.

Bi de Eröffnungsfier vun de Olympisch Winterspelen 1952 in Oslo wurr Falkanger de Ehre todeel, de Olympischen Eed to spreeken. In den olympischen Wettbewarf leeg he nah den eersten Dörgang up de Holmenkollenschanze noch in Führung un wunn an’ Sluss de Sülvermedaille achter sien Landsmann Arnfinn Bergmann.

Nah en Stört bi dat Springen an’ Holmenkollen kunn he 1956 verletzungsbedingt nich an de Olympisch Winterspelen in Cortina d'Ampezzo deelnehmen un hett sien Loopbahn afslooten.

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Nahroop