Tomatin (Brenneree)
| Tomatin | |
|---|---|
 Brenneree Tomatin (Foto: Nick Forwood) | |
| Land | Schottland |
| Region | Highlands |
| Tyyp | Malt |
| Status | aktiv |
| Besitter | Tomatin Distillery Co Ltd. |
| Grünnt | 1897 |
| Grünner | Tomatin Spey District Destillery Co. Ltd. |
| Waterborn | Allt na Frithe Born |
| Washstill(s) | 6 × 16.000 l |
| Spiritstill(s) | 6 × 16.000 l |
| Produkschoonsvolumen | 5.000.000 l |
| Websteed | www.tomatin.com |
Tomatin is en Whisky-Brenneree in den Oort Tomatin in de Graffschop Inverness-shire an’n Oostrand vun de Monadhliath Mountains in Schottland.
Historie[ännern | Bornkood ännern]
De Anfäng vun de Destille gaht torüch bit in’t 15. Johrhunnert, as Veehhännlers un -drievers jemehrn Whisky vun en Brenneree in’t Old Laird’s House köfft hebbt, woneem vundaag de Tomatin-Brenneree steiht. 1897 weer de Brenneree offiziell grünnt un von dor an na Gesett bedreven. 1906 is Tomatin bankrott gahn, man al 1909 weer se wedder apen maakt.
Mit twee Brennblasen weer se bit 1956 een vun de lütteren Destillen, man denn kemen twee wietere Brennblasen dorto. Twee Johren later weern noch mol twee Brennblasen inboet un 1961 denn noch mol veer Stück. En föffte Brennblaas keem 1964 dorto, so dat Tomatin för korte Tiet de eenzige schottische Whiskybrenneree weer, de en unevene Tall vun Brennblasen (stills) harr. In’t Johr 1974 sünd denn noch mol dree Brennblasen dorto kamen, gliektietig is de egene Molteree dicht maakt worrn. Mit wtölf Millionen Liter in’t Johr weer Tomatin to de Tiet de gröttste Whiskybrenneree in Schottland. 1985 is de Destille wedder insolvent wesen un is 1986 denn vun de japaansche Takara Shuzo Co. and Okara & Co. övernahmen worrn, de dormit dat eerste japaansche Ünnernehmen weer, dat en schottische Brenneree beseten hett. Siet 1998 nöömt se sik Tomatin Distillery Co Ltd. Meten an’t Produkschoonsvolumen höört Tomatin hüüt to de teihn gröttsten Destillen in Schottland.
Produkschoon[ännern | Bornkood ännern]
Tomatin höört to dat schottische Whiskyrebeet Highlands. Dat Water för de Produkschoon stammt ut den Allt na Frithe Born, dat Molt warrt vun de Glen Ord Maltings betogen, siet de egene Molteree dicht makt weer. De Tomatin-Brenneree bargt alltohopen 23 Brennblasen, vun de hüüt man blots noch 12 insett warrt. De Destille hett ok en Besökerzentrum un kann besichtigt warrn.
En groten Deel vun den Whisky, de bi Tomatin produzeert warrt warrt för Blends bruukt, so as för de huusegenen Antiquary un The Talisman. Hüüt warrt aver ok veel Weert op go’e Single-Malt-Whiskys leggt.
Kiek ok[ännern | Bornkood ännern]
Literatur[ännern | Bornkood ännern]
- Daniel Lerner: Schottischer Whisky. Köhnemann Verlagsgesellschaft mbH, Köln 1998, ISBN 3-8290-0417-6.
Weblenken[ännern | Bornkood ännern]
Koordinaten:57° 21′ N, 4° 0′ W