Tom Gehrels

Vun Wikipedia
Wesseln na: Navigatschoon, Söök
Tom Gehrels (1974)

Tom Gehrels (* 21. Februar 1925 in Haarlemmermeer; † 11. Juli 2011 in Tucson) weer en in de Nedderlannen boren Astronom de in de USA, siet 1961 an de University of Arizona, tätig weer.

He weer an den Upbau vun dat Spacewatch-Programm to’n Upfinnen vun eernah Asteroiden (NEO = Near Earth Object) bedeeligt.

Gehrels hett mehrere Kometen opdeckt, dorünner 64P/Swift-Gehrels, 78P/Gehrels, 82P/Gehrels, un 90P/Gehrels.

He weer buterdem an de Opdecken vun över 4329 Asteroiden bedeeligt, dorünner de Apolloasteroiden (1864) Daedalus un (5011) Ptah, de Amorasteroid (4587) Rees, as ok mehrere Asteroiden ut de Grupp vun de Trojaner.[1]

Den gröttsten Deel vun sien lateren Opdecken hett he gemeensam mit dat Astronomenehepaar Cornelis Johannes van Houten un Ingrid van Houten-Groeneveld in‘ Rahmen vun dat Palomar-Leiden-Survey makt. Dorbi hett Gehrels umfangriek Himmelsupnahmen mit de 48’’-Schmidtkamera vun dat Mount Palomar-Observatorium makt. De fotografisch Platten wurrn denn in de Nedderlannen verschifft un an de Universität Leiden to Bestimmen vun Asteroiden utwert.

Wiels den Tweeten Weltkrieg weer Gehrels Liddmaat vun der nedderlannschen Wedderstand. Nah den Krieg hett he mit Överlevenden snackt, de to Mitarbeit an den Bau vun de düütsch Rakete V2 ünner Wernher von Braun dwungen wurrn weern. Gehrels keem to de Upfaaten, dat von Braun en gröttere Verantworten an de unminschlich Behanneln vun Dwangsarbeiter harr, as ut sien offiziellen „schoon makt“ Biografie hervörgeiht. [2]

Tom Gehrels is de Vader vun Neil Gehrels.

Veröffentlichungen[ännern | Bornkood ännern]

  • On the Glassy Sea: An Astronomer's Journey, Tom Gehrels, ISBN 0-88318-598-9
  • A review of comet and asteroid statistics, Tom Gehrels, Earth Planets Space, 51, 1999 [1]

Enkeld Nahwiesen[ännern | Bornkood ännern]

  1. Minor Planet Discoverers (Alphabetically), Liste des Minor Planet Center, Togreep 19. Juli 2009 (engelsch)
  2. The Rocket Man's Dark Side von Leon Jaroff, 26.März 2002, auf times.com, Togreep 19. Juli 2009 (engelsch)

Weblenken[ännern | Bornkood ännern]