Thomas John Sargent
Thomas John Sargent (* 19. Juli 1943) is en US-amerikaansch Ökonom. 2011 wurr hüm de Nobelpries för Wertschapswetenschapen tospraaken.[1] He kreeg de Utteknung gemeensam mit Christopher Albert Sims för sien Forschen up dat Rebeet vun de Makroökonomie.
Sargent hett an de University of California, Berkeley studeert. Nahdem he sien Doktertitel an de Harvard University kreegen harr, weer he First Lieutenant un Captain vun de US Army. Ansluutend harr he Lehrtätigkeiten an de University of Pennsylvania un de University of Minnesota, af 1975 as Perfesser, as ok an de Stanford University. Siet 2002 is he Berkley Professor of Economics and Business an de New York University.
Siet 1987 is he todem Senior Fellow vun de konservativ Hoover Institution an de Stanford University.
As Mitbegrünner vun de nee klassisch Makroökonomie neben Robert Emerson Lucas hett he bedüüdend Bidrääg to de Theorie vun de ratschonaal Verwachten leefert. Sien mit Neil Wallace upstellt These vun de Politikineffektivität seggt, dat en systematisch un dorher vöruttosehn Geldpolitik kien realen Infloot up de Wertschap hett.
Warken[ännern | Bornkood ännern]
- Robert E. Lucas, Thomas J. Sargent (Hrsg.): Rational Expectations and Econometric Practice. 1981, ISBN 0-8166-0917-9
- Lars Peter Hansen, Thomas J. Sargent: Rational Expectations Econometrics. 1991, ISBN 0-8133-7800-1
- Lars Ljungqvist, Thomas J. Sargent: Recursive Macroeconomic Theory. 2001, ISBN 0-262-19451-1
- Lars Peter Hansen, Thomas J. Sargent: Robustness. 2007, ISBN 0-691-11442-0
Weblenken[ännern | Bornkood ännern]
- DNB-Katalog
- Thomas J. Sargent, persönlich Websteed an de New York University
- Hoover Institution: Thomas J. Sargent
- Personennaamdatei
Enkeld Nahwiesen[ännern | Bornkood ännern]
- ↑ The Sveriges Riksbank Prize in Economic Sciences in Memory of Alfred Nobel 2011: Thomas J. Sargent, Christopher A. Sims bi nobelprize.org, 10. Oktober 2011 (afroopen an’ 10. Oktober 2011).