The Ring (1927)

Vun Wikipedia
Wesseln na: Navigatschoon, Söök
Filmdaten
Plattdüütsch Titel:
Originaltitel: The Ring
Düütsch Titel: Der Weltmeister
Produkschoonsland: Grootbritannien
Johr vun’t Rutkamen: 1927
Läng: 89 Minuten
Originalspraak: Engelsch
Öllersfreegaav in Düütschland: FSK 12
Filmkru
Speelbaas: Alfred Hitchcock
Dreihbook: Alfred Hitchcock
Produkschoon: John Maxwell för British International Pictures
Musik: Xavier Berthelot (2005)
Kamera: John J. Cox
Dorstellers

The Ring (op plattdüütsch so veel as „De Ring“; dt. Titel: Der Weltmeister) is de Titel vun en britisch Filmdrama ut dat Johr 1927 vun den Speelbaas Alfred Hitchcock. Hitchcock hett för den Film ok sülvst dat Dreihbook schreven tosamen mit sien Fro Alma Reville un Eliot Stannard. In’t Original is dat en Stummfilm, op de DVD is aver ok en ne’e Faten, de nadräglich synchroniseert worrn is.

Inholt[ännern | Bornkood ännern]

Jack Sander is en Boxer, de op’n Johrmarkt sien Geld verdenen deit. Dor warrt he as One Round Jack betekent, vunwegen dat he sien Gegners tomeist in de eersten Runn al op’n Bodden schicken deit. Man een Dag löpt de austraalsche Boxer Bob Corby över’n Markt un verkiekt sik in de Kortenverköpersche Mabel (in de düütsche Faten: Nelly), de Jack sien Verlööfte is, de aver vun Bob ok recht andaan is. He peddt gegen Jack an un winnt den Kamp. Sien Manager hett aver Intresse Jack ünner Verdrag to nehmen. Jack geiht dorop in un schall nu Sparringspartner vun Bob warrn. Wiel de beiden verhannelt, schenkt Bob Mabel en Armband. Se gifft ehr dorophen en Söten.

Den nächsten Dag deckt Jack dat Armband op un warrt wies, dat Bob ehr dat schenkt hett. Man he sülvst hett ok en Geschenk för Mabel: He hollt üm ehr Hand an. De Hochtiet ist glieks den nächsten Dag. Mabel mag ich nee seggen, man se mag ok Bob nich vergeten – so is se tweireten vun ehr Geföhlen un föhlt sik jümmer noch na Bob hentogen. Jack nimmt sien Arbeit op, kriggt dorbi aver mit, dat Mabel wat för Bob över hett, un de em Mabel utspannen will. He warrt ieversüchtig op Bob un arbeit jümmer wieter dorophen, sülvst de Beste Boxer to warrn un Bob apentlich in en Kamp rünnertomaken. Wohrhaftig warrt he jümmer beter.

An’n Avend vun en groten Kamp is Mabel nich dor, üm mit em to fiern. Jack hett Bob in Verdacht, dat he mit Mabel ut wesen is. He geiht noch mol os und finnt Bob un sleiht em in de Apentlichkeit. As he na Huus kummt is Mabel weg, vunwegen dat se vun Jack nich mehr goot behannelt worrn is. Nu warrt he eerst recht füünsch, un bald dorop kummt dat to’n Kamp twüschen Bob un Jack. De Kamp is toeerst utgleken, man denn kriggt Jack bannig op de Mütz. Eerst as Mabel em goot tosnacken un an siet Siet stahn deit, fangt he sik wedder un sleiht Bob K.o. Mabel steiht nu wedder vull to ehrn Ehmann, Bob hett den Kamp üm de junge Fro verloren.

Kritik[ännern | Bornkood ännern]

Hitchcock hett in den Film vele ne’e visuelle Ideen inbröcht, wat em Spood inbröcht hett. De Kritikers to de Tiet hebbt den Film dorüm goot opnahmen.

Anners wat[ännern | Bornkood ännern]

The Ring weer de eerste vun teihn Filmen, de Hitchcock för dat Studio British International Pictures vun den Produzent John Maxwell dreiht hett. Dat Studio harr em vun Gainsborough Pictures weglockt, woneem he vörher arbeit hett. Disse Film weer de eerste, den Hitchcock sülvst schreven hett un nich op en Lietaraturvörlaag baseert hett.

Hööftdorsteller weer de däänsche Schauspeler Carl Brisson, de vör sien Loopbahn vun Beroop Boxer weern. Brisson hett 1929 ok de Hööftrull in Hitchcock sien Film The Manxman speelt. En Nevenrull harr in dissen Film Tom Helmore, de 1958 in Vertigo en bedüdene Rull harr. Clare Greet, de hier en Wohrseggersche speelt, weer in tosamen söss Filmen vun Hitchcock mit dorbi

De Originaltitel The Ring betütt sik toeerst mol op den Boxring, kann in de Geschicht aver ok noch op twee annere Saken betogen warrn, de in den Film den Striet üm de Fro betekent: Eenmol op den Ehring, den Mabel na ehr Hochtiet mit Jack drägen deiht, un denn ok op dat Armband, den Mabel vun Bob schenkt kriggt un dat se ok drägen deiht.

Weblenken[ännern | Bornkood ännern]