The Deep (1977)

Vun Wikipedia
Wesseln na: Navigatschoon, Söök
Filmdaten
Plattdüütsch Titel:
Originaltitel: The Deep
Düütsch Titel: Die Tiefe
Produkschoonsland: USA
Johr vun’t Rutkamen: 1977
Läng: 119 Minuten
Originalspraak: Engelsch
Öllersfreegaav in Düütschland: FSK 16
Filmkru
Speelbaas: Peter Yates
Dreihbook: Peter Benchley
Tracy Keenan Wynn
Produkschoon: Peter Guber
George Justin
Musik: John Barry
Kamera: Christopher Challis
Snitt: David Berlatsky
Szenenbild: Anthony Masters
Kledaasch: Ron Talsky
Dorstellers

The Deep (op plattdüütsch so veel as „De Deep“; dt. Titel: Die Tiefe) is de Titel vun en US-amerikaanschen Aventüerfilm ut dat Johr 1977, bi den Peter Yates Speelbaas weer. De Hööftrullen speelt Jacqueline Bisset, Robert Shaw un Nick Nolte. Dat Dreihbook baseert op en Roman vun Peter Benchley.

Inholt[ännern | Bornkood ännern]

Gaile Berke un David Sanders sünd op de Bermudas to’n Urlaub maken. De beiden sünd Dukers un deckt ünner Water dat Wrack vun en oolt militäärsch Transportschipp op. Bi’t Ünnersöken finnt se en oolt Medaillon un en Glasampull. Se fraagt bi den muckschen Schattsöker Romer Treece na, wat de Fund weert is. Man, ok de haitiaansche Verbreker Henri Cloche hett vun jemehrn Fund höört un will se vun David hebben, vunwegen dat dor Morphium binnen is. Treece hett jem de Ampull aver al wegnahmen.

Na den Twüschenfall foddert Gaile un David Antwoorten vun Romer Treece. He vertellt jem vun dat Morphium, un dat an den Fundoort wohrschienlich noch veel mehr vun disse Ampullen ut dat Schipp rümliggen doot. In’n wieteren Verloop kummt dat twüschen Cloche mit sien Mackers (de blots achter dat Morphium her sünd) un Gaile, David un Romer (de ünner dat Transportschipp noch en öller’t Schipp ut dat 18. Johrhunnert un dorbinnen en Schatt vermoodt) mehrfack to Begegnungen. Cloche sien Lüüd versöökt de annern eerst mit Hülp vun Voodoo-Spökenkraam bang to maken, warrt denn aver ok mit grove Gewalt gegen jem vör, üm an dat Morphium rantokamen. De annern dree versöökt Cloche aver hentohollen, dat se an den Schatt rankamt, ahn dat Cloche dat marken deit.

Ünner Water kummt dat opletzt to en Kamp. Opletzt sprengt Treece dat Wrack in de Luft, wobi he in letzte Sekunn en Anhanger in Form vun en Draken redden kann, de de Echtheit vun de Fundstücken bewiesen schall, de se all ruthaalt hebbt. Bi den Ünnerwater-Kamp suppt en vun Cloche sien Mackers dör Sanders sien Angreep af. Gaile, de op dat Boot torüchbleven weer, mutt ok en Verbreker dootmaken, de ehr angriepen deit. Cloche sülvst warrt kort vör’t Sprengen bi en Tweekamp mit Treece vun en resenhaftige Murään, de in dat Wrack ehr Versteek hett, angrepen un doodmaakt. Bi’t Sprengen kummt denn ok de Rest vun Cloche sien Bande üm.

Kritik[ännern | Bornkood ännern]

Dat Lexikon vun’n internatschonalen Film oordeel, dat de Film blots in de Szenen ünner Water en Ünnerhollensfilms weer, de fastholen deit. Wieter, weer dat Dreihbook as dünn betekent, de Regie as infallslos un de Leistungen vun de Schauspelers as swack.[1]

Bodo Fründt hett in Die Zeit vun’n Oktober 1977 schreven, dat de Film ünner Water technisch perfekt un kortwielig inszeneert weer. Man, an Land weer de Film jüst so as en Waalfisch, de an’n Strand oplopen weer un in dat frömme Medium kort vör’t Doodblieven stünn.[2]

Utteken[ännern | Bornkood ännern]

De Film is nich mit Filmpriesen uttekent worrn, man he weer 1978 för dree Priesen vörslahn, dorünner ok för den Oscar in de Kategorie Best Toon. För de Kameraarbeit weer Christopher Challis för den BAFTA Award nomineert, un John Barry un Donna Summer weern nomineert för den Golden Globe in de Kategorie Best Leed.

Anners wat[ännern | Bornkood ännern]

  • De Dukerbrill, de Jacqueline Bisset in de Szenen ünner Water op hett, is sünners för ehr maakt worrn, dat een mehr vun ehr Gesicht sehn kann.
  • Dat Wrack, wo de Morphiumampullen binnen leegt, is in Wohrheit de RMS Rhone, de 1867 vör de Küst vun Salt Island, een vun de Britschen Jumferninseln, ünnergahn is. Dat Schipp is dorbi tweibroken. De Deel, in de Szenen dreiht worrn sünd, liggt üm un bi 25 m ünner den Seespegel.
  • Anners as in’n Film överleevt Romer Treece in’t Book nich, as dat Wrack in de Luft sprengt warrt.
  • 2005 is The Deep ünner den Titel Into the Blue mit Paul Walker un Jessica Alba nee verfilmt worrn.

Borns[ännern | Bornkood ännern]

  1. Kritik in’t Lexikon vun’n internatschonalen Film
  2. Filmtips. In: Die Zeit, Nr. 45/1977

Weblenken[ännern | Bornkood ännern]