The Bourne Supremacy (Film)

Vun Wikipedia
Wesseln na: Navigatschoon, Söök
Filmdaten
Plattdüütsch Titel:
Originaltitel: The Bourne Supremacy
Düütsch Titel: Die Bourne Verschwörung
Produkschoonsland: USA
Düütschland
Johr vun’t Rutkamen: 2004
Läng: 108 Minuten
Originalspraak: Engelsch
Düütsch
Russ’sch
Öllersfreegaav in Düütschland: FSK 12
Filmkru
Speelbaas: Paul Greengrass
Dreihbook: Tony Gilroy
Produkschoon: Patrick Crowley
Doug Liman
Frank Marshall
Musik: John Powell
Moby (Titelleed)
Kamera: Oliver Wood
Snitt: Richard Pearson
Christopher Rouse
Szenenbild: Dominic Watkins
Kledaasch: Dinah Collin
Dorstellers

The Bourne Supremacy (op platt so veel as „Bourne sien Vörmacht“; dt. Titel: Die Bourne Verschwörung) is de Titel vun en US-amerikaanschen Agenten-Actionfilm mit Matt Damon in de Hööftrull. Speelbaas weer Paul Greengrass. De Film is de tweete Deel vun de Bourne-Reeg, de 2002 mit The Bourne Identity losgüng un 2007 mit The Bourne Ultimatum un 2012 mit The Bourne Legacy wietergahn is.

De Inholt is anlehnt an den Roman The Bourne Supremacy vun Robert Ludlum.

Inholt[ännern | Bornkood ännern]

De Film sett twee Johren na dat Enn vun’n eersten Deel in. De ehmolige Opdragskiller vun de CIA, Jason Bourne, is mit sien Bruut Marie in Goa in Indien afduukt. He warrt jümmer noch vun gresige Drööm un Flash-Backs plaagt, in de he Biller ut sien Vörleven sütt. Dorünner en Bild ut een Hotel in Berlin, wo he mit sien fröheren Baas – intwüschen vun de CIA an de Siet maakt – an den Oort vun en Moord sünd.

Gliektietig hett de CIA-Insatzbaas’sche Pamela Landy en Akschoon in Berlin to leiden. En russ’schen Informant schall dor Bewiesen övergeven, dat en CIA-Agent 20 Millionen US-Dollar verswinnen laten hett. De Insatz löpt aver scheef un de an den Insatz direkt bedeeligten Agenten warrt dör en professchonellen Opdragsmöörder doodschaten, de vör Oort Fingerafdrück vun Jason Bourne torüchlett.

Dorachter stickt de russ’sche Geheemagent Kiril, de nu ok na Goa reist, üm Bourne ut’n Weg to rümen. Bourne markt aver rechttietig, dat een achter em ran is un neiht mit Marie tosamen ut. As Kiril nich achterran kummt, schütt he op dat Auto, dat dorophen vun en Brüch rünner in en Stroom suust. He hett ut Versehen Marie drapen, glöövt aver, dat he Bourne utschallt hett.

Pam Landy versöcht intwüschen ruttofinnen, wat achter den Fehlslag in Berlin steken un stött dorbi op de Geheemakten to dat „Treadstone“-Projekt. Se kriggt Verlööf, de geheemen Akten intosehn un stött över den Fingerafdruck op en Tosamenhang mit Jason Bourne. Tosamen mit den fröheren „Treadstone“-Baas Abbott un Nicky Parsons, de sik fröher üm de Agenten in’t Projekt to sorgen harr, warrt se op den Fall Bourne ansett un schall em an de Siet maken. As Bourne in Neapel inreisen deit, warrt he kennt un fastnahmen. Landy nimmt disse Spoor op, man Bourne kann sik befre’en un höört över en Mobiltelefon af, wat in Berlin passeert is un dat se dorüm achter em ran sünd.

He föhrt nu sülvst na Berlin un nimmt dor telefonischen Kuntakt to Landy op. För swore Situatschonen utbillt, kann Bourne en Drapen mit sien fröhere Kuntaktperson NIcky afmaken ahn, dat de Agenten em tofaten kriegt. Vun ehr warrt Bourne Gewohr, dat dat bi de Akten, de in Berlin wietergeven warrn schülln, üm den Moord an den russ’schen Politiker Neski güng, de vun de CIA-Geller Wind kregen harr. Bourne söcht dat Hotel op, woneem de Moord passeert weer un winnt so en Deel vun sien Weten torüch: He sülvst weer de Möörder vun Neski, den he in’n Opdrag vun sien korrupten Baas an de Siet maken schüll.

Wiel em de Polizei vun Berlin op de Spoor is, slickt sik Bourne in de Hotelkamer vun Abbott, den sien Naam he vun Nicky vertellt kregen hett. Dor höört he mit an, as Abbott mit en russ’schen Kuntaktmann telefoneert un vun em foddert, dat he Bourne an de Siet maken schall, vunwegen dat he to veel över de Neski-Saak weet. He gifft sik Abbott gegenöver to kennen, de em nu vertellen deit, worüm he em utschalten wullt. Bourne nimmt dat Gespreek op. As Abbott den Dikteerapparat sütt, is em foorts kloor, dat dat sien Enn is. As Landy mit Abbott snacken will, bringt de sik vör ehr Ogen üm. Later kriggt se vun Bourne dat Band mit Abbott sien Ingestahn. Dormit is de Unschuld von Bourne kloor.

Bourne reist wieter na Moskau, woneem he de Dochter vun Neski opsöken will. Man, ok de russ’sche Polizei is achter am ran, jüst so as de Agent Kiril, de noch mol versöcht, Bourne endlich doot to maken. En gresige Verfolgungsjagd dweer dör de Stadt ennt opletzt in en sworen Unfall, bi den Kiril doodblifft. Gliektietig hett Landy de russ’schen Behörden över de Kuntaktlüüd vun Abbott informeert, de kort dorna fastnahmen warrt. Opletzt kann Bourne Neski sien Dochter in ehr Wahnung finnen un verkloort ehr, wat in Wohrheit mit ehr Öllern passert is. So versöcht he ehr to seggen, dat em dat leed deit.

De Film ennt in New York City. Bourne röpt wedder bi Landy an, de sik bi em bedankt för dat Toonband. Se vertellt em, dat de Fall nu vörbi is un kann em sogor sien richtigen Naam seggen. Op ehr Anbott, sik mit ehr to persönlich drapen, geiht he aver nich in. He duukt wedder ünner, lett ehr vörher aver noch weten, dat he dicht in de Neeg is.

Kritik[ännern | Bornkood ännern]

  • kino.de: […] Regisseur Greengrass ist stets darauf erpicht, die Actionmomente mit einem Optimum an Realitätsnähe zu gestalten. Wenn es Mano a Mano geht, dann findet sich keine überzogene Martial-Arts-Akrobatik, sondern wird traditionsreich im Stil von "French Connection" brutal ans Eingemachte gegangen. Damon glänzt in der Rolle des gehetzten Geheimagenten und kann versiert dessen Wut, Rachemotivation, Paranoia und Reue vermitteln […]

Utteken[ännern | Bornkood ännern]

De Film weer för tosamen 24 Filmpriesen nomineert un is mit de nafolgen fief Priesen uttekent worrn:

  • 2005: mit den ASCAP Award in de Kategorie Top Box Office Films för John Powell
  • 2005: mit den Empire Award in de Kategorie Best Dorsteller för Matt Damon
  • 2005: mit den Empire Award in de Kategorie Best Film
  • 2005: mit den Taurus Award in de Kategorie Best Stunt-Koordinater un/oder Baas vun de 2. Eenheit för Dan Bradley
  • 2005: mit den Taurus Award in de Kategorie Best Arbeit mit en Auto för Martin Ivanov un vele annere

Achtergrünnen[ännern | Bornkood ännern]

De Inholt vun de Geschicht ut’n Roman is för den Film bannig ännert un an de moderne Technik anpasst worrn. De Mann, de den Anschien na vun Bourne doodschaten worrn wesen schall, is in de Roman-Vörlaag de chineesche Premierminister un nich, as in’n Film, en CIA-Agent. In’n Roman blifft ok Marie an’t Leven, de later in’n drüdden Deel noch en bedüdene Rull speelt.

De Film speelt an en Reeg vun verschedene Öörd as in New York City, Berlin, Amsterdam, Neapel un Moskau. En groten Deel vun de Szenen sünd aver in Berlin dreiht worrn. Finanzeert worrn is de Film mit en Budget vun 75 Millionen US-Dollar, inspeelt hett he dorgegen weltwiet üm un bi 288 Millionen US-Dollar.

Literatur[ännern | Bornkood ännern]

Weblenken[ännern | Bornkood ännern]