Tejat Prior

Vun Wikipedia
Wesseln na: Navigatschoon, Söök
Tejat Prior
Positschoon un Beteken
Steernbild Gemini; Gem
Rektaszension 6h 14m 53s
Deklinatschoon 22° 30′ 24″
Annere Naams Propus, Preapes, Pish Pai
Bayer-Beteken η
Flamsteed-Tall 7
Bright-Star-Kataloog BD +22 1241
Henry-Draper-Kataloog HD 42995
SAO-Kataloog SAO 78135
Physikaalsch Parameter
Afstand 350±70 Lj
schienbor Helligkeit +3,15 – +3.90 / +8,8
Spektralklass M3IIIab / B(?) / G0
Sünnerheiten Dreefacksteern, ännerlich

Tejat Prior oder Eta Geminorum (η Gem, η Geminorum) is en Dreefacksteernsystem in dat Steernbild Tweeschen. Annere Naams sünd Propus, Praepes oder Pish Pai (vun’t Persische Pīshpāy, پیش‌پای „Vörderfoot, Vörderbeen“).[1]

Egenschoppen[ännern | Bornkood ännern]

Tejat Prior is en Dubbelsteern, wobi de Hööftsteern η Gem A sülvst en spektroskoopschen Dubbelsteern is. De Hööftsteern dorvun is en halfregelmatig ännerlichen Steern vun’n Tyyp My-Cephei den sien schienbore Helligkeit mit en Periood vun 234 Daag twüschen +3,15 un +3,9 wesseln deit. Dorbi hannelt sik dat üm en Ro’en Rees mit de Spektralklass M3, de ruchweg 350 Lichtjohren vun uns Sünn weg is. De tweete Steern vun η Gem A ümrunnt den Hööftsteern mit en Periood vun 8,2 Johren un hört mööglicherwies to de Spektralklass B.

η Gem B is dorgegen en Dwargsteern ut de Spektralklass G, de mit en Periood vun 700 Johren üm den Hööftsteern kreisen deit.[2],[3]

Tejat Prior steiht in de Neeg vun de Ekliptik. Vun dorher kummt dat mitünner vör, dat de Steern vun’n Maand oder in rore Fäll ok vun en Planeten todeckt warrt. Dat letzte mol, dat de Steern vun en Planet todeckt worrn is, weer an’n 27. Juli 1910 dör de Venus.

Borns[ännern | Bornkood ännern]

  1. p. 235, Star-names and Their Meanings, Richard Hinckley Allen, G. E. Stechert, 1899
  2. The Spectrographic Orbit and Light-Variations of η Geminorum, Dean B. McLaughlin un Suzanne E. A. van Dijke, Astrophysical Journal 100 (July 1944), pp. 63–68.
  3. Eta Geminorum in Jim Kaler’s STARS.