Tee
Tee is en Opguss vun bestimmte Bläder mit hitt Water. In den engeren Sinn sünd dat meist de Bläder vun den Teestruuk oder Teeboom. De gröön Tee warrt vun de Bläder vun de Teeboom maakt. Wenn de Bläder fermenteert sünd, denn gifft dat den swarten Tee. De swarte Tee warrt faken ok noch aromatiseert. En bannig bekannt Soort is de Earl Grey, de hett dat Aroma vun Bergamotte kregen. Dat gifft man noch de bekanntsten Sorten Broken Orange Pekoe, Ceylon-, Assam- un Darjeelingtee. Ceylon, Assam un Darjeeling sünd nöömt na ehr Anburebeet. Dat gifft ünnerscheedlich Wiesen swarten Tee to drinken: Swart (mit nix drin), mit Kandis oder anner Zucker, mit Rum, mit Melk oder mit Rahm. Dat gifft aver ok Krütertee ut Krüterbläder un Früchtetee mit dat Aroma von Frücht. Anners gifft dat noch Iestee, dat is swarten Tee, den een koolt maakt hett. Dat smeckt best mit Ies.
De Naam[ännern]
Sien plattdüütschen Naam hett de Tee ut den Min-Dialekt ut de Stadt Xiamen in Süüdchina. Dor warrt dat Schriftteken för Tee, dat is 茶, as te utspraken. In Noordchina is de Utsprake cha. Dor kummt dat Woort tschai vun her, wat in Russland, in Arabien un in de Törkei bruukt warrt.
Oostfreesland[ännern]
Tee wurd besünners veel in Oostfreesland drunken.
Weblenken[ännern]
