Taygete (Mythologie)

Vun Wikipedia
Wesseln na: Navigatschoon, Söök

Taygete is en Figur ut de greekschen Mythologie. Se is en Dochter vun Atlas un vun de Okeanide Pleione un somit en vun de Plejaden. Se weer de Mudder vun Lakedeimon, den se mit Zeus harr.

Taygete weer de Nymph vun’n Barg Amyklayos un hett mit de jumferlichen Artemis jaagt. De hett versöcht ehr för Zeus sien Nalopen to schulen un wannel ehr in en Hindin (Hirschkoh), wodör Taygete för’n Tiet seker weer för’t Nastellen vun’n Göddervadder. Na en Vertellen schall se Artemis ut Dankborkeit de Keryneiisch Hindin weiht hebben, de Herakles in sien drütten Opgaav levend na Erystheus to bringen harr.

Zeus harr an’n Enn aver doch Spood. Na Robert von Ranke-Graves hett Taygete sik op’n Amyklayos ophungen, de dorna Taygetos-Bargen nöömt worrn is.

Na Karl Kerényi warrt ok vertellt, dat de vun wegen de Jumferlichkeit egene Artemis se to Straaf in de Hindin wannelt harr, as Taygete dat anners nich möglich wesen weer, ehr Unschuld to bewahren. Oder dat se sogor Freid an de Leef mit Zeus funnen hebben schall.

Ehr Nicht harr den sülven Naam un schall an’n Enn Lakedaimon heiraadt un mit em tosamen den Himeros kregen hebben.

Literatur[ännern | Bornkood ännern]