Tacker
En Tacker (ok Hechter) sleiht Klammern in twee oder mehr Saken – sünners in Papeer – de op’neen leegt. De Klammer hollt denn de Saken tohopen.
Tackern (Hechten)[ännern | Bornkood ännern]
En gewöhnlichen Tacker warrt mit de Hand bedeent en hett en Sleed mit Klammern binnen. En Fedder hollt de Klammern fast. Mit en Handgreep warrt de Fedder entspannt un de Ennen van de vörste Klammer warrt dör de twee Paperen drückt. De Ennen warrt denn an de Ünnerkant ümböögt.
Veel Tackers künnt dat Butenend van de Klammer na binnen oder na buuten bögen. Vördeel is, wenn een dat Butenend na binnen böögt, dat dat Paper fast sitt. Vöördeel is, wenn een dat Butenend na buten böögt, dat een de Klammer lichter wedderapen maken un de Klammer rutnehmen kann.
Losmaken[ännern | Bornkood ännern]
Üm de Paperen wedder ut’neen to maken gifft en Soort van Tang. Mit de Tang nimmt een de Klammer wedder ruut. De Tang grippt ünner de Klammern un böögt se na baven. De Ennen van de Klammer kamt piel na baven to stahn un dat Papeer kann wedder ut’neen maakt warrn.
