Sydney Penny

Vun Wikipedia
Wesseln na: Navigatschoon, Söök

Sydney Penny (* 7. August 1971 in Nashville, Tennessee) is en US-amerikaansche Schauspelerin.

Leven[ännern | Bornkood ännern]

Penny is en boren Cherokee Indianersche. e hett al in teemlich junge Johren Kontakt mit dat Showbusiness kregen, vun wegen, dat ehr Öllern as Country- un Western-Singers in’t Gewarf arbeiden deen un se jemehr Dochter ok in junge Johren al mit in jemehr Optreden inbetogen hebbt.

Al mit acht Johren hett se in de Feernsehprodukschoon The Night Rider mitmaakt. Dorna hett se wietere Rullen speelt, vör allen in Feernsehregen. Grode Acht hett ehr de Rull as Meggie Cleary in The Thorn Birds bröcht. Se weer to de Tiet jüst eerst twölf Johr oolt.

Siet de Tiet hett se jümmer wedder in en Veeltall vun Rullen speelt, vör allen in Feernseregen un Mini-Regen as t. B. in Twilight Zone, Beverly Hills, 90210, The Bold and the Beautiful usw., man ok in verscheden Feernseh- un Kinoprodukschonen weer se mit dorbi. Toletzt speel se de Julia Santos in de ABC-Sepenoper All My Children vör de Kamera.

Penny is mit Robert Powers verheiraadt, de ok in’t Feernsehgewarf arbeit. Siet Mai 2007 hebbt de beiden tohopen en Söhn.

Filmografie (Utwahl)[ännern | Bornkood ännern]

Johr Titel Synchroonsnacker
1979 The Night Rider, Feernsehn  
1981 The Patricia Neal Story, Feernsehn
dt.: Triumph der Liebe
 
1983 The Thorn Birds, Feernseh-Minireeg
dt.: Die Dornenvögel
Alana Horrigan
1984 Getting Physical, Feernsehn
dt.: Fit fürs Leben
 
1985 Pale Rider
dt.: Pale Rider – Der namenlose Reiter
Madeleine Stolze
1986 News at Eleven
dt.: Schlagzeile – Rufmord
 
1988 La Ciociara, Feernsehn
dt.: Cesira – Eine Frau besiegt den Krieg
 
1988 Bernadette
dt.: Bernadette – Das Wunder von Lourdes
Dascha Lehmann
1989 La Passion de Bernadette  
1991 Child of Darkness, Child of Light, Feernsehn
dt.: Das Kind des Satans
 
1992-93 Santa Barabara, Feernsehreeg
dt.: California Clan
 
1996 Hearts Adrift, Feernsehn
dt.: Leinen los für die Liebe
 
1998 The Pawn
dt.: The Pawn – Ein Cop rechnet ab
 
1998-99 Hyperion Bay, Feernsehreeg  
2000 Beverly Hills, 90210, Feernsehepisoden  
2001-03 Largo Winch, Feernsehreeg
dt.: Largo Winch – Gefährliches Erbe
Silvia Mißbach
2003-05 The Bold and the Beautiful, Feernsehreeg
dt.: Reich und schön
 
2006 Hidden Places, Feernsehn
dt.: Die Orangenpflückerin
Katja Liebing
1993-2008 All My Children, Feernsehreeg  
2011 The Wife He Met Online, Feernsehn  
2012 Dark Canyon  
2013 The Perfect Summer  
2013 Heart of the Country
dt.: Wo du zu Hause bist
 

Utteken[ännern | Bornkood ännern]

För ehr Film- un Feernsehrullen is Sydney Penny al ölven mol för Filmpriesen vörslahn worrn, wovun se dree wunnen hett:

  • 1984: den Young Artist Award in de Kategorie Best Jungdorstellersche in en Feernsehfilm för The Thorn Birds.
  • 1986: den Young Artist Award in de Kategorie Utermatig Dorstellen vun en junge Dorstellersche för Pale Rider.
  • 1996: den Soap Opera Digest Award in de Kategorie Best Leevbegeevnis för All My Children.

Weblenken[ännern | Bornkood ännern]