Swordfish

Vun Wikipedia
Wesseln na: Navigatschoon, Söök
Filmdaten
Plattdüütsch Titel:
Originaltitel: Swordfish
Düütsch Titel: Passwort: Swordfish
Produkschoonsland: USA
Johr vun’t Rutkamen: 2001
Läng: ca. 96 Minuten
Originalspraak: Engelsch
Öllersfreegaav in Düütschland: FSK 16
Filmkru
Speelbaas: Dominic Sena
Dreihbook: Skip Woods
Produkschoon: Joel Silver
Bruce Berman
Musik: Christopher Young
Paul Oakenfold
Kamera: Paul Cameron
Snitt: Stephen E. Rivkin
Szenenbild: Jeff Mann
Kledaasch: Ha Nguyen
Dorstellers

Swordfish (op platt so veel as „Sweertfisch“; dt. Titel: Passwort: Swordfish) is en US-amerikaanschen Heist-Movie un Thriller ut dat Johr 2001. Speelbaas vun den Film weer Dominic Sena, de Hööftrullen weern vun John Tavolta, Halle Berry un Hugh Jackman speelt.

Inholt[ännern | Bornkood ännern]

Stanley Jobson is en Hacker, de veroordeelt worrn is un nu nie wedder en Reekner ok blots anfaten dröff. Man, de Ünnerwelt-Baas Gabriel Shear versöcht an em rantokamen, üm mit sien Help un sien Weten üm Reekner-Technik en groten Roof to dreihn. Dör Jobson sien Familien-Situatschoon, kann he em ünner Druck setten: Sien Fro hett em sitten laten un dat Sorgrecht för jemehr gemeensame Dochter kregen. He dröff ehr nich nich sehn un hett al en Reeg vun Klagen bi Gericht vörbröcht, de aver all afwiest weern. 10 Millionen US-Dollar seggt Shear em to, so dat he de besten Afkaaten betahlen kann, de em dat Sorgrecht holen künnt. Sien Opgaav dorför is dat Utklamüstern vun en Worm, mit den Shear 9,5 Millionen US-Dollar roven will. Dat is Geld, wat vun de Drogenpolizei DEA sekerstellt worrn is un nu op en Konto op de Weltbank liggt. Jobson markt eerst to laat, dat Shear dormit Terroranslääg in de helen Welt betahlen will.

Shear warrt vun en Senater ünnerstütt, de aver utstiegen will. Shear bringt em dorophen ünner de Eer, maakt mit sien Projekt aver wieter. As dat Team in de Bank is, överwiest Jobson sien Worm dat Geld op de Konten vun Shear, as dat afsnack weer. Man he lett dat Geld kort later glieks wieter överwiesen un springt dorvun vun een Konto op dat nächste. Disse Funkschoon schüll eerst later losgahn. Dormit wull Jobson dat Geld vun Shear afholen, wenn he sülvst in Sekerheit is. As Shear em dormit drauht, dat he sien Helpersche Ginger doodscheten deit, vun wegen dat se en DEA-Agentin in’n Geheeminsatz is, sütt he sik ünner Druck, dat Geld op en Konto in Monte Carlo to överwiesen. Ginger warrt liekers doodmaakt, vunwegen dat se för de Gegensiet arbeit hett.

Wiel en spektakuläre Flucht ut de Bank, bi de en Bus mit de Börgen vun en Heevschruver op dat Dack vun en Hoochhus sleept warrt, kann Shear mit sien Lüüd utneihn. Jobson kann Shear sien Heevschruver afscheten. In de Slussszeen warrt aver Shear mit Ginger wiest, as se tohopen Geld vun dat Konto in Monaco afheven doot. Togliek is en Narichtensnacker to hören, de vun en Anslag vertellt, bi den en Terrorbaas an de Siet maakt worrn is. Dat is kloor, dat disse Anslag op dat Konto vun Shear geiht, de nich an Boord vun den afschatenen Heevschruver weer.

Kritik[ännern | Bornkood ännern]

Lexikon vun’n internatschonalen Film: Effektvoll inszenierter Thriller, der mit zunehmender Dauer das emotionale Fundament seiner Geschichte aus den Augen verliert und seine Funktionstüchtigkeit am Ende allein noch den Leistungen der Darsteller verdankt.

Utteken[ännern | Bornkood ännern]

De Film weer för tosamen negen Filmpriesen vörslahn, vun de he dree Priesen wunnen hett:

Anners wat[ännern | Bornkood ännern]

  • De finnische Hacker, de an’n Flaaghaven vun Los Angeles fastnahmen warrt, warrt in’n Film Axl Torvalds nöömt, wat op den finnischen Programmerer Linus Torvalds anspeelt, den Vadder vun’t Bedriefssystem Linux. De Rull warrt vun den düütschen Schauspeler Rudolf Martin speelt. In de engelschen Faten snackt he rein Hoochdüütsch ansteed vun Finnisch. Ok sien Utiwesen sünd düütsche Reisepäss.
  • De Titel vun den Film kummt ut en Sketch vun de Marx-Brothers ut den Film Horse Feathers. Dorin versöcht Groucho in en Suusterkneipe rintokamen. Dorbi geieht dat an’t enn dorüm, dat de Oppasser dat Passwort Swordfish rutfinnen mutt.
  • Dat Konto, wat utroovt warrn schall, bargt 1986 400 Millionen US-Dollar, föffteihn JOohren later sünd dat 9,5 Milliarden – op dat Konto müss dat dorna in’t Johr tomindst 23,51 % Tinsen afsmieten.
  • In de Reeknerszenen warrt IP-Adressen anwiest, de mit 315.*.*.* anfangt. De gröttstmöögliche IPv4-Adress is aver 255.255.255.255.

Weblenken[ännern | Bornkood ännern]