Sveinbjörn Beinteinsson

Vun Wikipedia
Iesland Düt is en iesländsch Naam. De Achternaam is keen Familjennaam, man en Patronym. Bruuk dorüm beter blot den Vörnaam oder ok den Vörnaam un den Achternaam tohoop, wenn du över düsse Persoon snackst.
Sveinbjörn bi en Blót in’n Johr 1991

Sveinbjörn Beinteinson (* 4. Juli 1924 in Grafardalur an’n Borgarfjörður; † 23. Dezember 1993 in Dragháls í Svínadal) harr groot Inwark, dat ’t wedderupleven germaansch Hedendom in Iesland as ene offischelle Religion gellen deit. He was de Grünner un bet to sien Dood ok de Allsherjargoði un Leidsmann van de Ásatrúarfélagið. Butendem was he en Dichter van Rímur.

Leven[ännern | Bornkood ännern]

Sveinbjörn wahn sinleevdag as en Schaapsbuur in Svínadalur in West-Iesland. He wurr den 4. Juli 1924 boren up en Hoff in Grafardalur in Svínadalur an’n Borgarfjörður nöördlik van Reykjavik. He was de Suhne van de Buur Beinteinn Einarsson ut Litlabotni un sien Wiev Helga Pétursdóttir ut Dragháls. He was dat jüngst van acht Kinner. He un siene Broders un Sösters weern recht verschelen. Man se alle harrn de Leevde to de Natuur un de Glöven an Landvættir un annere Wesen, gemeensam. In sien Jöögdtied trock de Familje denn up den Hoff, wo siene Modder up boren wurr, in Dragháls i Svínadalur cirka 5 km westlik van Grafardalur. As en twintig Johrn oolen Keerl köff Sveinbjörn sik egen Veh. He free Svanfríður Hagvaag in 1965. Se harrn twee Suhns.

Allsherjargoði[ännern | Bornkood ännern]

In’n Winter 1971-1972 grünn Sveinbjörn en Grupp van twälf Lüüd met Intresse för’t germaansche Neehedendom. 1972 grünn he denn de Ásatrúarfélagið un he wurr de höögst Good. Düsse Baantje harr he bet he to sien Dood in’n Johr 1994. Sien Upfolger wurr Jörmundur Ingi Hansen. As Sveinbjörn dood bleev harr de Gruppe bummelig 130 Liddmaten[1]. Ok wenn de Ásatrúarfélagið to düsse Tied blot en lüttje Tahl van Liddmaten harr, was düsse Grupp en belangriek un wichtig Vörbild för de Billen van anneren Ásatrú-Gruppen in de noordschen Länner, Groot-Britanien, Duitskland un de USA.

Övrigt[ännern | Bornkood ännern]

Sveinbjörn was politsch aktiv bi de Prostesten gegen de NATO ehr Plään Kernwappen up Iesland to stationeern.

Warken[ännern | Bornkood ännern]

Böker[ännern | Bornkood ännern]

  • Gömlu lögin (1945)
  • Bragfræði og Háttatal (1953)
  • Reiðljóð (1957?)
  • Rímnasafnið – sýnisbók rímna frá 14. öld til nútímans (1966)
  • Lausavísur frá 1400 til 1900 (1976)
  • Heiðin (1984)
  • Bragskógar (1989)
  • Allsherjargoðinn (1992),

CD’s un Lusterböker[ännern | Bornkood ännern]

Borns[ännern | Bornkood ännern]

  1. "Félagatal" ur Vor Siður Nr 3 2005, sidan 4

Weblenken[ännern | Bornkood ännern]