Surch

Wapen/Flagg	Koort
Basisdaten
Provinz: Freesland Gemeende: Wûnseradiel
Inwahners:	170 (Januar 2011)
Hööchd:	0 m över de See
Postleettall:	8751
Vörwahl:	0517
Geograafsche Laag:	53° 5′ N, 5° 27′ O
Grenzen bi OSM:	2656651

Surch (nedderlannsch Zurich) is en Oortsdeel vun de ehemaalsche Gemeende Wûnseradiel in de Provinz Freesland in de Nedderlannen. Dor wahnt hüdigendags bi 192 Inwahners (Januar 2004). Dat lüttje Dorp liggt just an den Noordseediek, bi 10 km westlich vun de freesche Havenstadt Harns. Vun Surch ut geiht dat över den Afslussdiek hen na Westfriesland, wat up de annere Siet vun dat Iesselmeer liggt.

An'n 1. Januar 1830 hefft 152 Inwahners in Surch leevt, in dat Johr 1958 weern dat al 340. Man vun dor af an is dat minner wurrn mit de Inwahners. En nee Grundschool, de 1987 upmaakt wurrn weer, möss al tein Johr later wedder dichtmaakt weern, weil dat nich mehr noog Schölers geev. In dat Johr 2000 hett de Raat vun de Gemeende Wûnseradiel beslaten, nu den freeschen Naam Surch to bruken un nich mehr den nedderlannschen Zurich, de bit dorhen begäng weer. Dor geev dat veel Striet üm, vunwegen dat allerhand Surchers menen, de Naam Zurich, de bröch jem allerhand frömde Besökers, vunwegen dat düsse Naam mit den Naam vun de grote Swiezer Stadt Zürich meist övereen stimmen dö.

In Surch gifft dat ene reformeerte Kark mit en lüttjen Karkhoff un en Kroog. Nich wiet af vun Surch is de bekannte Oort Makkum mit siene Pötteree.