Substraatspraak

Vun Wikipedia
Wesseln na: Navigatschoon, Söök

Wenn en Gemeinschop fröher en anner Spraak snackt hett as hüüt, dann nöömt de Spraakwetenschop de ole Spraak Substraatspraak (un de niege Superstraatspraak. Dat Woort kummt ut dat Latiensche: substratum heet Laag un Substratum is de ünnere Laag vun de Spraak. Dat kann t.B. passeren, wenn en Land in en Krieg innahmen warrt un sik de Spraak vun de niegen Herren dörchsett, oder wenn de Hannel en niege Spraak mitbringt.

Dorbi hett de ole Spraak faken groten Influss op de niege Spraak, t.B. op dat Vokabular un de Utspraak. Dat kann t.B. passeren, dat de Gemeinschop Naams för Deerten un Planten ut jümehr ole Spraak mitnehmt.