Strunz (Mineral)

Vun Wikipedia
Wesseln na: Navigatschoon, Söök
Strunz mit Swevel

Strunz is en Mineral ut Strontiumkarbonat (SrCO3) mit Kalziumkarbonat dormank. Op de Mohs-Skala hett dat Mineral en Weert vun 3,5 un de dörsnittliche Dicht is 3,78 kg/dm³. De Kristallform is orthorhombisch.

Strunz is witt bet geel-graag, faken ok wat gröön. Dat Mineral billt Kristallen, de de Form vun Nadeln hebbt, de faken in Büschel tohoopwussen sünd.

Bruukt hebbt se dat Mineral ünner annern to Enn vun dat 19. Johrhunnert in de Zuckerindustrie, den Restzucker ut de Melass ruttotrecken. Ok Strontium lett sik good ut dat Mineral winnen.

Vörkamen[ännern | Bornkood ännern]

Toeerst funnen hebbt se dat Mineral in Strontian in Schottland.

In Düütschland gifft dat Vörkamen in’n Süüdoosten vun’t Mönsterland. Afboot hebbt se’t in’n Dagbo un to’n Deel ok in Stollens. In de Ümgegend vun Aulen un besünners bi Vüörem gifft dat bi 20 Schächt, de bet to 110 Meter deep sünd. Ok bi Stewwert, in de Davert bi Askebiärg un noorden vun Baukum-Hüëwel in de Buurschop Hölter hebbt se Strunz afboot. En anner Vörkamen liggt in Lime City, Wood County, Ohio.

Weblenken[ännern | Bornkood ännern]

Commons-logo.svg Strunz. Mehr Biller, Videos oder Audiodateien to’t Thema gifft dat bi Wikimedia Commons.