Stormfloot vun 1953

Vun Wikipedia
Wesseln na: Navigatschoon, Söök

De Stormfloot vun 1953 weer en grote Stormfloot, de in de Nacht op den 1. Februar 1953 över grote Delen vun de Waterkant an de Noordsee in de Nedderlannen, Süüdengland un to'n Deel ok in Belgien, Däänmark, Frankriek un Düütschland keem. Springfloot un Storm vun Noordwesten weren tohoopkamen un de See steeg 3,30 m höger as sünst.

In de Nedderlannen sünd 1.835 Minschen, op mehrst in de Provinz Seeland, un in Grootbritannien 307 Minschen doodbleven. Todem sünd 230 Minschen op See doodbleven, as de Princess Victoria in'n Engelschen Kanal un en poor Fischerbööd ünnergahn sünd.

Nedderlannen[ännern | Bornkood ännern]

In de Provinzen Seeland, Süüdholland un Noordbrabant in'n Süden vun de Nedderlannen hett de Floot to 1.835 Dode un dat Evakueeren vun över 70.000 Minschen föhrt. Över 10.000 Stück Veeh sünd verdrunken, 3.000 Hüüs un 300 Buernhööv sünd kumplett tweegahn, 40.000 Hüüs un 3000 Buernhööv hebbt Schaden nahmen. 200.000 Hektar Ackerland, binah 10 % vun de helen nedderlandschen Ackers, weren överswemmt un hebbt dör dat Soltwater Schaden nahmen. De Schaden is alltohoop op üm un bi 900 Millionen Gulden taxeert worrn. Na de Stormfloot hebbt de Nedderlänners denn den Deltaplaan maakt, ehr Küst to verdedigen.

England[ännern | Bornkood ännern]

Dör den Storm sünd op 1600 km vun de Waterkant 100.000 Hektar Land överswemmt worrn. 30.000 Minschen müssen ehr Hüüs verlaten un 24.000 Hüüs hebbt Schaden nahmen. Enkelte Öörd, de besünners swoor bedrapen weren, sünd Felixstowe in Suffolk (37 Dode), dat Eiland Canvey in Sussex (58 Dode) un Jaywick in Essex (37 Dode) wesen.

As Reakschoon hebbt de Englänners dat Themse-Sparrwark boot.

Weblenken[ännern | Bornkood ännern]

Commons-logo.svg Stormfloot vun 1953. Mehr Biller, Videos oder Audiodateien to’t Thema gifft dat bi Wikimedia Commons.