Sprengel Stood
De Sprengel Stood is een von de söss Delen von de evangeelsch-luthersche Landskark Hannover. Seet is Stood. De Sprengel hett üm un bi 590.000 Liddmaten (Stand 2012).
De Sprengel is 1936 grünnt worrn, dat Rebeed harr vörher von 1651 bet 1903 to de Generaldiözees Bremen-Veern tohöört, denn to de Generaldiözees Stood un toletzt to de Propstien Celle un Horborg.
Geografie[ännern | Bornkood ännern]
De Sprengel liggt in’n Noorden von Neddersassen un dor höört groff dat Elv-Werser-Dreeeck to.
In’n Noorden liggt de Sprengel Sleswig un Holsteen von de Noordelvsche Evangeelsch-luthersche Kark, in’n Oosten de Sprengel Hamborg un Lübeek von de Noordelvsche Evangeelsch-luthersche Kark, in’n Süüdoosten de Sprengel Lümborg von de Landskark Hannover, in’n Süüdwesten de Sprengel Ossenbrügge un de Breemsche Evangeelsche Kark un in’n Westen de Evangeelsch-luthersche Kark in Ollnborg.
Leid[ännern | Bornkood ännern]
De Sprengel warrt von en Landssupperndent leidt. De Supperndentur sitt in dat Huus Diekstraat 39 in Stood, dat 1950 von dat Mineralöölwark Stood köfft worrn is.
De Baaslüüd von de teihn Karkenkreise un de Landssupperndent billt tohoop den Ephorenkonvent von den Sprengel.
Supperndenten[ännern | Bornkood ännern]
- 1936–1948: Franz Wiebe
- 1950–1970: Hans Hoyer
- 1970–1977: Martin Kruse
- 1977–1992: Karl Manzke
- 1992–2001: Jürgen Johannesdotter
- 2001–2009: Manfred Horch
- 2010–: Hans Christian Brandy
Karkenkreise[ännern | Bornkood ännern]
De Sprengel deelt sik op in teihn Karkenkreise mit 197 Karkengemenen:
- Karkenkreis Cuxhoben
- Karkenkreis Land Hadeln
- Karkenkreis Wersermünn
- Karkenkreis Stood
- Karkenkreis Bremerhoben
- Karkenkreis Buxthu
- Karkenkreis Bremervöör-Zeven
- Karkenkreis Oosterholt-Scharmbeek
- Karkenkreis Rodenborg
- Karkenkreis Veern
Weblenken[ännern | Bornkood ännern]
- Websteed von’n Sprengel (hoochdüütsch)
