SpongeBob SquarePants

Vun Wikipedia
logo
logo

SpongeBob SquarePants (op platt so veel as „Swammfrisur Quadraatbüx“; hoochdüütsch SpongeBob Schwammkopf) is en US-amerikaansche animeerte Reeg.

Dat geit in de Reeg üm den Charakter SpongeBob SquarePants un siene Aventüürs. Dat is en gelen Swamm, de ünner de See leevt. Annere wichtige Figurn sünd siene Frünn Patrick Star (en Seesteern), Squidward Tentacles (en Blacksprütter), Sandy Cheeks (en Eekkatersch, de sik ünner de See en Huus ünner en grote Schuulklock inricht hett un ut Texas stammt) un sien Baas Mr. Krabs (en Krabb, he hett en Restaurant). Dat Setting is temlich maritim, allens is en beten op Seefohrt maakt. De Fisch, de in de Stadt Bikini Bottom op’n Seegrund leevt, fohrt to’n Bispeel mit Bööd op Räder dör de Gegend. En wichtigen Blangencharakter is de Flegen Hollanner un in de hoochdüütsche Synchronisatschoon snackt de Figur Mr. Krabs sogor af un an en poor Wöör Plattdüütsch (he snackt SpongeBob to’n Bispeel faken mit mien Jung an).

Utdacht hett sik de Reeg Stephen Hillenburg, de fröher mal as Seebioloog arbeidt harr, un dat is denn toeerst 1999 op Nickelodeon in de USA wiest worrn. Vun de Reeg sünd bet 2012 teihn Staffeln mit 140 Folgen maakt worrn. Ok en Kinofilm is 2004 rutbröcht worrn.

Weblenken[ännern | Bornkood ännern]