Sophie Karoline von Brandenburg-Kulmbach
Sophie Karoline von Brandenburg-Kulmbach (* 31. März 1705 in Weferlingen; † 7. Juni 1764 in’ Slott Sorgenfri bi Kopenhagen) weer en Prinzessin vun Brannenborg ut de Kulmbacher Nebenlinie (vun de Kulmbach-Bayreuther Twieg) vun de jüngere Linie vun de fränkisch Hohenzollern un dör Heirat Fürstin vun Oostfreesland.
Leven[ännern | Bornkood ännern]
Sophie Karoline weer en Dochter vun den Margrafen Christian Heinrich von Brandenburg-Kulmbach (1661–1708) ut de sien Ehe mit Sophie Christiane (1667–1737), Dochter vun den Graf Albrecht Friedrich von Wolfstein zu Sulzbürg.
An’ 8. Dezember 1723 wurr se up Slott Pretzsch de tweete Frau vun den Fürst Georg Albrecht vun Oostfreesland. As Wittum kreeg Sophie Karoline Burg Berum tosekert. De Ehe bleev kinnerlos un weer in hör letzt Johren hööchst unglückelk. Georg Albrecht hett sück en poolsch Hoffdaam vun sien Frau towendt un keem vullstännig ünner deren Infloot. Sophie Karoline wurr as gaadlich begabt beschreven, weer aber wegen hör Frömmigkeit un hör leevenswürdigen Charakter aber bannigt beliebt. Se hett geistig Gedichte schreven.
Se hett ehrn Gemahl um 30 Johr överleevt un leev van 1734 bit 1740 up Slott Berum, truck dornah aber düersam as Gast vun hör Süster, de däänsch Königin Sophie Magdalene nah Däänmark un is up Slott Sorgenfri bi Kopenhagen storven. Se wurr in den Dom to Roskilde bestatt. Nah Sophie Karoline wurr de Oort Clienensiel nömmt.[1]
Literatur[ännern | Bornkood ännern]
- Johann Samuel Ersch: Band 60 von Allgemeine Encyclopädie der Wissenschaften und Künste in alphabetischer Folge von genannten Schrifts bearbeitet und herausgegeben von J. S. Ersch und J. G. Gruber, Johann Samuel Ersch, J. f. Gleditsch, 1855, S. 61
- Martin Jhering: Hofleben in Ostfriesland: die Fürstenresidenz Aurich im Jahre 1728, Verlag Hahnsche Buchhandlung, 2005, S. 45
- Fridrich Arends: Erdbeschreibung des Fürstenthums Ostfriesland und des Harlingerlandes, Gedruckt bei Wittwe Hyner, 1824, S. 419