Sonny Fortune

Vun Wikipedia
Sonny Fortune

Sonny Fortune (* 19. Mai 1939 in Philadelphia; † 25. Oktober 2018 in New York City, New York) weer en US-amerikaansch Jazzmusiker (Alt- un Sopransaxophon, Flöte).

Fortune studeer an de Wurlitzer and Granoo School of Music. Dornah hett he um lokal Ebene mit Rhythm & Blues-Gruppen arbeit. 1967 gung he nah New York City, wo he anfangs mit Elvin Jones speel. 1968 hett he sück för twee Johr de Grupp vun Mongo Santamaría anslooten, bevör he mit den Singer Leon Thomas un van 1971 bit 1973 mit McCoy Tyner arbeiten dee. Dornah hett he mit Roy Brooks, Buddy Rich un Miles Davis arbeit. Mit Davis weer he ok internatschonal up Tournee. Mit hüm entstunn 1975 in Osaka dat Live-Album Pangaea. Anner Musiker, mit de Fortune arbeit hett, weern George Benson, Rabih Abou-Khalil, Roy Ayers, Oliver Nelson, Nat Adderley, Barbara Dennerlein un Pharoah Sanders. He hett aber ok eegen Gruppen leit, in de to’n Bispeel Kirk Lightsey oder Kenny Barron speelt hebbt.

Fortune weer en starken Solist mit en herutragend Technik un kreativ Vitalität, de dat allerdings nie to en gröötere Bekanntheit brocht hett. Nah dat Jazz Rough Guide speel Fortune mögelkerwies as Sideman interessantere Bidrääg as in sien eegen Projekten.

Diskographie[ännern | Bornkood ännern]

  • Awakening (1975)
  • Waves of Dreams (1975)
  • With Sound Reason (1979)
  • Four In One (1994)
  • From Now On (1996)
  • In the Spirit of John Coltrane (2000)