Snevern

Vun Wikipedia
Wesseln na: Navigatschoon, Söök
Disse Artikel is man blots en Stubben. Du kannst Wikipedia helpen un em verbetern.

Snevern (hoochdüütsch: Schneverdingen) liggt in de Lümborger Heid un höört to de Landkreis Heidkreis.

To de Gemeend Snevern höört blangen Snevern sülvst ok welk annere Öörd. Welk vun disse Öörd hebbt en egen Raat (Oortschoppen na de Neddersassische Gemeenordnung) un welk sünd Deel vun annere Oortschoppen. En egen Raat hebbt Grotenwe, Häbe, Issell, Langloh, Lünzen, Schüllern, Wessloh, Wintemaur-Gäbesdörp, Wintemaur an de Chaussee un Zoarn.

To Grotenwe höört de Öörd Haswe, Schultenwe un Osterwe. To Häbe höört Surbossel un Hillen, to Issell höört Reinsählen, Höpen un Baal. Langloh hett de Delen Hämsen, Wieckhost, Reimen, Fraas, Gröps, Vorwark un Dannhost. To Lünzen höört Lünzenbrockhoff. Schüllern hett de Öörd Schüllernbrockhoff, Stimbeck, Hasselhoff un Vöten. Bi Wessloh höört Eggersmöhl, Schiel un Host to. To de annern Oortschoppen höört ans keen Öörd to as de Öörd, de de Oortschop ehrn Naam geven hett.

Dat Karkspeel Snevern besteiht ut de Dörper Lünzen, We, Issell, Wessloh, Wintemaur, Häbe, Hämsen, Schüllern, Zoarn un den Flecken Snevern. Hüüt is dat allens de Stadt Snevern.

De Stadt hett 19.134 Inwahner up en Flach vun 234,58 km².

Historie[ännern | Bornkood ännern]

In dat Johr 1231 is Snevern eerstmals uurkundlich nömmt wurrn. De Bischop Iso vun Veern hett do den Ministerialen Lippold von Zahrenhusen dwungen, up de Vogtei „Snewordinge“ to verzichten.

Verkehr[ännern | Bornkood ännern]

Siet’n 27. November 2006 hett Snevern ok Oortsschiller, bi de blangen den hoochdüütschen Naam Schneverdingen lütt ok dat plattdüütsche Snevern bisteiht.